கொள்ளிடம் ஆற்றில் ஏற்பட்ட வெள்ளப் பெருக்கால் பாதிக்கப்பட்ட இடங்களை சீர்காழி எம்எல்ஏ பன்னீர்செல்வம் படகில் சென்று பார்வையிட்டடார்.
மயிலாடுதுறை மாவட்டம், கொள்ளிடம் ஆற்றில் வெள்ளம் பெருக்கெடுத்து ஓடுகிறது. மேலும் கடலூர் மாவட்டம் மற்றும் மயிலாடுதுறை மாவட்டத்திற்கும் இடைப்பட்ட பகுதியில் கொள்ளிடம் ஆறு ஓடிக்கொண்டிருப்பதால், இரண்டு கரைகளையும் தொட்டப்படி வெள்ள நீர் பழையாறில் உள்ள கடலில் கலக்கிறது.
தற்போது தொடர்ந்து வெள்ள நீர் பெருக்கெடுத்து வருவதால் கொள்ளிடம் ஆற்றின் கரையோரம் உள்ள ஆற்றங்கரை தெரு, ஆற்றின் படுகையில் அமைந்துள்ள நாதல்படுகை, முதலை மேடு போன்ற பகுதிகளில் பத்துக்கும் மேற்பட்ட வீடுகளை வெள்ளநீர் சூழ்ந்துள்ளது.
இப் பகுதிகளை சீர்காழி எம்.எல்.ஏ பன்னீர்செல்வம், வட்டாச்சியர் செந்தில்குமார், கொள்ளிடம் ஒன்றியகுழ தலைவர் ஜெயபிரகாஷ் ஆகியோர் நேரில் சென்று ஆய்வு செய்தனர். மேலும் தண்ணீர் சூழ்ந்துள்ள வீடுகளையும், பயிர்களையும் பார்வையிட்டனர். பிறகு அங்குள்ள மக்களை பாதுகாப்பான இடங்களுக்குச் செல்ல அறிவுறுத்தினர்.
