சென்னை கொளத்தூரில் எம்ஜிஆர் நகர் பகுதியில் வசித்து வரும் 28 வயது இளம்பெண், அவருடைய கணவருடன் ஏற்பட்ட கருத்து வேறுபாட்டால் கணவரை பிரிந்து தனியாக வாழ்ந்து வருகிறார். இந்நிலையில் கொளத்தூர் அண்ணா சிலை பகுதியில் உள்ள ஒரு பிரவுசிங் சென்டரில் வேலை பார்த்து வருகிறார். அந்த கடையின் உரிமையாளர் அருணாச்சலமும்(28) என்கிற வாலிபரும் திருமணமாகி மனைவியை விவாகரத்து செய்துவிட்டு தனியாக வாழ்ந்து வருகின்றனர்.
இதனால் அருணாச்சலத்துடன் நெருங்கி பழகி வந்தார் அந்தப்பெண். இந்நிலையில், இருவரும் அடிக்கடி வெளியே சென்று உல்லாசமாக இருந்து வந்தனர். அருணாச்சலத்தை திருமணம் செய்துகொள்ள போவதாக அந்தப்பெண் சொல்லி வந்திருக்கிறார். இதனால் அவ்வப்போது அந்த பெண்ணின் குடும்ப செலவுக்கு அருணாச்சலம் பண உதவிகள் செய்து வந்திருக்கிறார்.
இந்நிலையில் பிரிந்து போன அந்த பெண்ணின் கணவர் மீண்டும் அந்த பெண்ணை வந்து சந்தித்துள்ளார் இதனால் அவர்கள் இருவரும் சேர்ந்து வாழ ஆரம்பித்துள்ளனர். இதனால் ஆத்திரமடைந்த அருணாச்சலம் தன்னை திருமணம் செய்து கொள்கிறேன் என்று சொல்லிவிட்டு மீண்டும் கணவருடன் சேர்ந்து வாழ்கிறாயே என்று சண்டை போட்டுள்ளார். இதனால் அந்த பெண் அருணாச்சலத்தின் பிரவுசிங் சென்டருக்கு வேலைக்கு வருவதை நிறுத்தி கொண்டார். இதனால் அருணாச்சலம் மேலும் ஆத்திரமடைந்தார்.
இதனால் அந்த பெண்ணுடன் நெருக்கமாக இருக்கும் புகைப்படங்களையும், வீடியோக்களையும் அப்பெண்ணின் கணவருக்கும் அவரது உறவினர்களுக்கும் அனுப்பி வைத்தார் அருணாசலம். இதனால் அதிர்ச்சி அடைந்த அந்தப்பெண், வில்லிவாக்கம் அனைத்து மகளிர் போலீஸ் ஸ்டேஷனில் அருணாச்சலம் மீது புகாரளித்தார். எனவே, போலீசார் அருணாச்சலத்தை கைது செய்து விசாரணை நடத்திய வருகின்றனர்.
