கேரள மாநிலம் திருச்சூர் அய்யந்தோளில் உள்ள எஸ்.என்.பார்க்கின் அருகே காரில் வந்த ஒருவர் குழந்தைகள் முன்பு நிர்வாணமாக நின்றதாக குழந்தைகள் கூறியுள்ளனர். ஆனால் குழந்தைகளால்அந்த நபரை அடையாளம் காண முடியவில்லை. இதுபற்றி காவல் நிலையத்தில் குழந்திகளின் பெற்றோர் புகார் அளித்தனர்.
புகாரின் அடிப்படையில் காவல்துறையினர் வழக்குபதிவு செய்தனர். இந்த வழக்கு விசாரணையை அந்த பகுதியில் உள்ள சிசிடிவி கேமராவில் பதிவாகியுள்ள காட்சிகளின் அடிப்படையில் காவல்துறையினர் விசாரணை நடத்தினர். இதை தொடர்ந்து சம்பந்தபட்ட நபரின் கார் கண்டுபிடிக்கப்பட்டு, காரின் நம்பரை வைத்து, குற்றவாளியை கண்டுபிடித்தனர். அந்த நபர் மலையாள நடிகர் ஸ்ரீஜித் ரவி ஆவார். இதனைதொடர்ந்து, காவல்துறையினர் போக்சோ சட்டத்தின் கீழ் வழக்குப்பதிவு செய்து அவரை கைது செய்தனர். இதற்கிடையில் ஸ்ரீஜித், அவருக்கு மனநலம் பாதிக்கப்பட்டுள்ளதாகவும், அதற்கு ட்ரீட்மென்ட் எடுத்து வருவதாகவும் வாக்குமூலம் அளித்தார்.
2016 ஆம் வருடம் மாணவர்கள் பள்ளிக்கு நடந்து சென்றுகொண்டிருந்த போது, காருக்குள் நிர்வாணம் காட்டியதற்காக பாலக்காடு காவல்துறையினரால், ஸ்ரீஜித் கைது செய்யப்பட்டுள்ளார். மேலும் பள்ளி செல்லும் குழந்தைகளுடன் புகைப்படம் எடுக்க முயன்றதாக கூறப்படுகிறது. ஸ்ரீஜித் ரவி பிரபல மலையாள நடிகர் டிஜி ரவியின் மகன் ஆவார். தமிழில் அசுரவதம் , ஆயிரத்தில் இருவர்,கதகளி,மதயானை கூட்டம்,வேட்டை, கும்கி உள்பட பல படங்களில் நடித்து உள்ளார்.
