திருவாரூர் மாவட்டம் பேரளம் அருகே உள்ள கிளியனூர் பகுதியைச் சேர்ந்த ராமையா என்பவரின் மகன் கனகராஜ் (53) இவ்வாறு தன்னுடைய இருசக்கர வாகனத்தில் ஊர் ஊராக சென்று பாத்திரம் வியாபாரம் செய்து வருகிறார். இத்தகைய நிலையில், சென்ற சில மாதங்களாக அதே பகுதியைச் சேர்ந்த கலைவாணன் என்பவருக்கும், கனகராஜுக்கும் வீட்டின் அருகே உள்ள வாரியில் மழை நீர் விழுவதால் ஏற்பட்ட பிரச்சனையின் தொடர்ச்சியாக அவ்வப்போது வாய் தகராறு ஏற்பட்டு வந்ததாக சொல்லப்படுகிறது.
இத்தகைய நிலையில் அந்தப் பகுதியில் இருக்கின்ற ஆலயத்தில் நேற்று முன்தினம் தீமிதி திருவிழா நடந்தது. அப்போது கனகராஜ், கலைவாணன் மகன் விஷ்வாவை முறைத்து பார்த்ததாக சொல்லப்படுகிறது. இத்தகைய சூழ்நிலையில்தான் கனகராஜ் அவருடைய உறவினர் குருசாமி என்பவரின் வீட்டின் முன்பு நின்று கொண்டிருந்தார்.
அப்போது விஷ்வா விஷ்வாவின் சகோதரர் ஜெயக்குமார் உள்ளிட்ட 8 பேர் கொண்ட கும்பல் வீட்டில் உள்ள பொருட்களை சேதப்படுத்தி கனகராஜை கத்தியால் நெஞ்சில் குத்தி இருக்கிறார்கள். இதில் அவர் ரத்த வெள்ளத்தில் அதே இடத்தில் சரிந்து விழுந்தார்.
அத்துடன் இதனை தடுக்க முயற்சித்த கனகராஜ் மகன் ஆனந்த் மற்றும் குருசாமி உள்ளிட்டோரையும் அவர்கள் கத்தியால் தாக்கி இருக்கிறார்கள். இதில் கனகராஜ் சம்பவ இடத்திலேயே உயிரிழந்தார். அதோடு பலத்த காயமடைந்த ஆனந்த், குருசாமி உள்ளிட்டோரை அவசர ஊர்தியின் மூலமாக திருவாரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். அவர்களுக்கு அங்கே தீவிர சிகிச்சை வழங்கப்பட்டு வருகிறது.
அத்துடன் இந்த சம்பவம் தொடர்பாக அறிந்து கொண்ட கேரளம் காவல்துறையினர் கனகராஜ் உடலை கைப்பற்றி பிரேத பரிசோதனைக்காக திருவாரூர் அரசு மருத்துவக் கல்லூரி மருத்துவமனைக்கு அனுப்பி வைத்ததுடன் இது தொடர்பாக பேரளம் காவல்துறையினர் வழக்கு பதிவு செய்து விஷ்வா ஜெயக்குமார் உள்ள 8 பேரை தீவிரமாக தேடி வந்தனர்.
இந்த நிலையில் தான் தற்சமயம் விஷ்வா (22), ஜெயக்குமார் (30), சூர்யா(25), கலைவாணன் (53), சுரேஷ்(40), அரவிந்தன்( 27), சுப்ரமணியன் (44), அசோக்குமார்( 27), பிரகாஷ் (40), விஜய் (20) உள்ளிட்டோரை பேரளம் காவல்துறையினர் 24 மணி நேரத்தில் அதிரடியாக கைது செய்திருக்கிறார்கள்.
