சென்னை மாநகராட்சியில் சட்டப்படி அரையாண்டின் முதல் 15 நாட்களுக்குள் சொத்து வரியை செலுத்த வேண்டும் இப்படி 15 நாட்களுக்குள் செலுத்தும் சொத்து உரிமையாளர்களுக்கு 5% ஊக்கத்தொகை அதிகபட்சமாக 5000 ரூபாய் வரையில் வழங்கப்படும். அதன்படி இந்த மாதம் 1ம் தேதி முதல் 15 ஆம் தேதிக்குள் வரையிலான காலகட்டத்தில் 4 லட்சத்திற்கும் அதிகமான உரிமையாளர்கள் ஊக்க தொகையை பெற்றிருக்கிறார்கள்.
அதன்படி 2023 24 நிதியாண்டின் முதல் அரையாண்டுக்கான சொத்து வரியை இன்றைக்குள் செலுத்தும் சொத்து உரிமையாளர்களுக்கு ஊக்கத்தொகை கிடைக்க தகுதி இருக்கிறது என்று சொல்லப்படுகிறது. உரிமையாளர்கள் தங்களுடைய சொத்து வரியை இல்லம் தேடி வரும் வரி வசூலிப்பாளர்கள் அல்லது சென்னை மாநகராட்சி அலுவலகங்களில் அமைந்திருக்கின்ற இ சேவை மையங்களில் செலுத்தலாம். அதோடு மட்டுமல்லாமல் நம்ம சென்னை மற்றும் பேடிஎம் செயலி, சென்னை மாநகராட்சி இணையதளம் மூலமாகவும் டிஜிட்டல் பண பரிவர்த்தனையை பொதுமக்கள் செய்யலாம் என்று கூறப்பட்டுள்ளது.