ஒடிசா மாநிலம் பாலசோர் மாவட்டத்தில் உள்ள பரின்கியா என்ற பகுதியில் தயானதீசட்னா என்பவர் வசித்து வருகிறார். அவரது மனைவியிடம் பள்ளி மாணவி ஒருவர் டியூசன் படித்து வந்தார். டியூசன் படிக்கவந்த மாணவியிடம் தயானதிட்சனா அவரது பாலியல் ஆசைக்கு இணங்க வற்புறுத்தியுள்ளார்.
இதனால், பயந்த மாணவி, ஒரு கட்டத்திற்கு மேல் டியூசனுக்கு வருவதை நிறுத்திவிட்டார். இந்நிலையில், அவரது வீட்டிற்கு அருகில் உள்ள கடையில் பென்சில் வாங்க அந்த மாணவி வந்துள்ளார். அப்போது தயானதீட்சனா மாணவியை தடுத்து நிறுத்தி தன் கையில் வைத்திருந்த மண்ணெண்ணையை மாணவியின் மீது ஊற்றி தீ வைத்து கொலை செய்தார்.
பின்னர் சம்பவ இடத்திற்கு வந்த காவல்துறையினர், தயானதீட்சனாவை கைது செய்து சிறையில் அடைத்தனர். தனது பாலியல் வெறிக்கு, இணங்க மறுத்த அப்பாவி மாணவியை, உயிருடன் தீ வைத்து எரித்து கொன்ற சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.
