ஓய்வு பெற்ற மருத்துவர் ஒருவர் பிரபலமான ஷாப்பிங் மால் ஒன்றில் தற்கொலை செய்து கொண்ட சம்பவம் அதிர்ச்சியை ஏற்படுத்தி உள்ளது. மத்திய பிரதேச மாநிலத்தைச் சார்ந்த ஓய்வு பெற்ற மருத்துவர் மன்மோகன் சோனி. இவர் தான் அந்த மாலில் தற்கொலை செய்து கொண்டிருக்கிறார். இது தொடர்பாக விசாரணை நடைபெற்று வருகிறது. ஆட்கள் நடமாட்டம் மிகுந்த வணிக வளாகத்தில் மருத்துவர் ஒருவர் தற்கொலை செய்து கொண்ட சம்பவம் அப்பகுதியில் அதிர்ச்சியையும் பரபரப்பையும் ஏற்படுத்தி இருக்கிறது.
மத்திய பிரதேசம் மாநிலத்தின் தலைநகரான இந்தூரில் அமைந்திருக்கிறது C21 ஷாப்பிங் மால். இது இந்த ஊரில் உள்ள விஜயநகர் பகுதியில் அமைந்திருக்கக் கூடிய பரபரப்பான வணிக வளாகம் ஆகும். இந்த வணிக வளாகத்தில் தான் திங்கள் கிழமை மதியம் மருத்துவர் மன்மோகன் சோனி தற்கொலை செய்து கொண்டிருக்கிறார். அவர் இந்த வணிக வளாகத்தின் இரண்டாவது மாடியில் இருந்து கீழே குதித்து தற்கொலைக்கு முயன்றுள்ளார். இரண்டாவது தளத்திலிருந்து குதித்து காயமடைந்த அவரை அருகில் உள்ளவர்கள் மீட்டு மருத்துவமனைக்கு கொண்டு சென்றனர். ஆனால் அவர் செல்லும் வழியிலேயே உயிரிழந்து விட்டதாக மருத்துவர்கள் தெரிவித்தனர். இதனைத் தொடர்ந்து அவரது உடலை பிரேத பரிசோதனைக்கு அனுப்பி வைத்த காவல்துறையினர் இச்சம்பவம் தொடர்பாக விசாரணை செய்து வருகின்றனர். ஓய்வு பெற்ற மருத்துவர் இரண்டாவது வளாகத்தில் இருந்து குதித்த காட்சிகள் வணிக வளாகத்தில் பொருத்தப்பட்டிருந்த சிசி டிவியில் படமாகியுள்ளன.
