Assam Flood: கடந்த சில நாட்களாக அசாமில் பெய்துவரும் கனமழை மற்றும் வெள்ளத்தில் சிக்கி இதுவரை 36 பேர் உயிரிழந்துள்ளனர். மேலும் 4 லட்சம் பாதிக்கப்பட்டுள்ளனர் என்று அம்மாநில பேரிடர் மேலாண்மை ஆணையம் தெரிவித்துள்ளது.
அசாம் மாநிலத்தின் சுமார் 19 மாவட்டங்களில் கடந்த சில நாட்களாக கனமழை பெய்துவருகிறது. இதனால், ஆங்காங்கே கடுமையான வெள்ளம், நிலச்சரிவு போன்ற இயற்கை பேரழிவுகள் நடைபெற்று வருகின்றன. இதனால் மக்களின் இயல்பு வாழ்க்கை கடுமையாக பாதிக்கப்பட்டுள்ளது. இதுதொடர்பாக அசாம் மாநில பேரிடர் மேலாண்மை ஆணையம் வெளியிட்டுள்ள அறிக்கையில், இதுவரை 36 பேர் உயிரிழந்துள்ளதாகவும், புல்லட்டின் படி, பஜாலி, பக்சா, பர்பேட்டா, பிஸ்வநாத், கச்சார், தர்ராங், கோல்பாரா, ஹைலகண்டி, ஹோஜாய், கம்ரூப், கரீம்கஞ்ச், கோக்ரஜார், லக்கிம்பூர், நாகோன், நல்பாரி, சோனித்பூர், தெற்கு சல்மாரா, தமுல்பூர் ஆகிய 19 மாவட்டங்களில் 4 லட்சத்திற்கும் அதிகமானோர் பாதிக்கப்பட்டுள்ளதாகவும் குறிப்பிட்டுள்ளது.
பிரம்மபுத்ராவின் பல துணை நதிகள் அபாய அளவைத் தாண்டி ஓடிக்கொண்டிருப்பதால், வெள்ள நிலைமை சற்று கவலையளிக்கிறது. இருப்பினும் பிரம்மபுத்திரா இன்னும் அபாய அளவைத் தாண்டவில்லை” என்று தேஜ்பூரில் முதல்வர் ஹிமந்தா பிஸ்வா சர்மா செய்தியாளர்களிடம் கூறினார். மழை நின்றால் நிலைமை கட்டுக்குள் வரும். எவ்வாறாயினும், தொடர்ந்து மழை பெய்தால், வெள்ள நிலைமை மிகவும் மோசமாகிவிடும் என்றும் அவர் கூறினார்.
மழை, வெள்ள நிலைமை குறித்து மத்திய அரசு விசாரித்து வருகிறது, ஆனால் நாங்கள் இன்னும் எந்த உதவியும் கோரவில்லை. எங்களிடம் போதுமான நிதி உள்ளது” என்று சர்மா கூறினார். அசாம் அரசு ஒரு மாவட்டத்தில் 105 நிவாரண முகாம்களை நடத்தி வருகிறது, அங்கு 14,215 பேர் தஞ்சமடைந்துள்ளனர், மேலும் ஒரு மாவட்டத்தில் 78 நிவாரண விநியோக மையங்களை நடத்தி வருகின்றனர்.
கடந்த 24 மணி நேரத்தில் வெள்ளத்தால் பாதிக்கப்பட்ட மக்களுக்கு 2,010.35 குவிண்டால் அரிசி, 354.59 குவிண்டால் பருப்பு, 134.36 குவிண்டால் உப்பு, 10,750.2 லிட்டர் கடுகு எண்ணெய் ஆகியவற்றை ஆணையம் விநியோகித்துள்ளது. தற்போது, 1,311 கிராமங்கள் தண்ணீரில் மூழ்கியுள்ளன மற்றும் அஸ்ஸாம் முழுவதும் 6,424.83 ஹெக்டேர் பயிர்கள் சேதமடைந்துள்ளன என்று ASDMA தெரிவித்துள்ளது.
Readmore: Blood Cancer | ரத்த புற்றுநோயின் 7 அறிகுறிகள் இவைதான்..!! மக்களே அலட்சியம் வேண்டாம்..!!
