சென்னை மாநகர பகுதியில் தாம்பரத்தில் காளிதாஸ் மற்றும் மகன் சுரேஷ் குமார் வசித்து வருகின்றனர். இவர் ஊர்களுக்குச் சென்று வீடுகள் மற்றும் நிறுவனங்களுக்கு கண்காணிப்பு கேமராக்களை பொருத்தும் வேலையை செய்து கொண்டிருந்தார்.
இவர் ஒரு பெண்ணை காதலித்து வந்த நிலையில், குடும்பத்தினர் சம்மதித்த நிலையில் நேற்று முன்தினம் காலை ஏழு மணிக்கு புதுச்சேரி அருகே உள்ள முருகன் கோவிலில் திருமணம் நடந்துள்ளது.
வரவேற்பு நிகழ்ச்சி தனியார் திருமண மண்டபத்தில் நடைபெற்று முடிந்து பெண் வீட்டார், மாப்பிள்ளை வீட்டார்கள் ஒரு இடத்தில் தங்கியுள்ளனர்.
இதனிடையே மணமகன் உடை மாற்றிக் கொண்டு வருவதாக அறைக்குள் சென்று வெகு நேரமாகியும் வெளியே வராததால், அறைக்கு சென்று பார்த்த போது அவர் மயங்கிய கிடந்துள்ளார்.
இதனையடுத்து அதிர்ச்சி அடைந்த உறவினர்கள் மருத்துவமனையில் சேர்த்தனர்.பரிசோதனை செய்த மருத்துவர்கள் சுரேஷ்குமார் ஏற்கனவே இறந்துவிட்டதாக கூறியுள்ளனர். இது பற்றி தகவல் அறிந்த போலீசார் வழக்குப் பதிவு செய்து மர்ம மரணம் குறித்து விசாரணை நடத்தி வருகின்றனர்.
