2024 ஆம் வருடம் பிறப்பதற்கு இன்னும் ஒரு வாரமே மீதி இருக்கிறது. புது வருடம் பிறந்து விட்டால் இரண்டு வாரங்களில் தை திருநாளும் வந்து விடும். பொங்கல் பண்டிகையை கொண்டாடுவதற்காக அரசு சார்பில் பொங்கல் தொகுப்பு மற்றும் பொங்கல் பரிசாக ரேஷன் அட்டைதாரர்கள் அனைவருக்கும் ஆயிரம் ரூபாய் வழங்கப்படும்.
ஆண்டுதோறும் வழங்கப்படும் இந்த பரிசு குறித்து அறிவிப்பு எப்போது வெளியாகும் என தமிழக மக்கள் அனைவரும் காத்துக் கொண்டிருக்கின்றனர். இந்நிலையில் 2024 ஆம் ஆண்டிற்கான பொங்கல் பரிசுத் தொகை குறித்த விபரங்கள் தற்போது வெளியாகி இருக்கிறது. பொங்கல் பண்டிகை நெருங்கி வருவதால் அதற்கான பணிகளில் அரசு முழு வீச்சில் ஈடுபட்டிருப்பதாக தகவல்கள் தெரிவிக்கின்றன .
மேலும் பொங்கலுக்கு வழங்கப்படும் கரும்பு, வெள்ளம் உள்ளிட்ட பொங்கல் தொகுப்புகளும் ஆயிரம் ரூபாய் பொங்கல் பரிசு ஆகியவை தொடர்பான அறிவிப்பு விரைவில் வெளியாகும் என எதிர்பார்க்கப்படுகிறது. தென் மாவட்டங்களில் ஏற்பட்ட மழை தொடர்பான நிவாரண பணியில் அரசு அதிகாரிகள் ஈடுபட்டு வருவதால் பொங்கல் பரிசு குறித்த அறிவிப்பு விரைவிலேயே அதிகாரப்பூர்வமாக வெளியிடப்படும் என அதிகாரிகள் தெரிவித்துள்ளனர்.
