தமிழகத்தில் புதிய தொழில் முதலீடுகளை கொண்டு வருவதற்கான முயற்சியாக, தமிழக முதல்வர் விஜய் லண்டனுக்கு வெளிநாட்டு பயணம் மேற்கொண்டுள்ளார். முதலீட்டாளர்களை சந்தித்து தமிழகத்தின் தொழில் வாய்ப்புகள் மற்றும் வளர்ச்சித் திட்டங்கள் குறித்து பேச்சுவார்த்தை நடத்தும் வகையில் இந்தப் பயணம் அமைந்துள்ளது.
சென்னையில் இருந்து பயணிகள் விமானம் மூலம் முதலில் துபாய்க்கு சென்ற முதல்வர் விஜய், அங்கிருந்து லண்டனுக்கு புறப்பட்டுள்ளார். இந்தப் பயணத்தில் தனி விமானத்தை பயன்படுத்தாமல், வழக்கமான பயணிகள் விமானத்திலேயே அவர் பயணம் மேற்கொண்டுள்ளார்.
துபாயில் சிறிது நேரம் தங்கிய பிறகு, அங்கிருந்து லண்டனுக்கான விமானப் பயணத்தை தொடர்ந்துள்ளார். லண்டன் செல்லும் விமானத்தில் முதல் வகுப்புப் பிரிவில் பயணம் மேற்கொண்டுள்ளார்.
முதல்வரின் வெளிநாட்டு பயணத்தில் தனி விமானத்தை தவிர்த்து பயணிகள் விமானத்தை பயன்படுத்தியிருப்பது அரசியல் வட்டாரத்தில் கவனம் பெற்றுள்ளது. தமிழகத்தில் தொழில் வளர்ச்சியை அதிகரிப்பது, புதிய நிறுவனங்களை ஈர்ப்பது, வேலைவாய்ப்புகளை உருவாக்குவது உள்ளிட்ட நோக்கங்களுடன் வெளிநாட்டு முதலீடுகளை ஈர்க்கும் நடவடிக்கைகள் மேற்கொள்ளப்பட்டு வருகின்றன.
லண்டன் பயணத்தின் போது தொழில்துறை பிரதிநிதிகள் மற்றும் முதலீட்டாளர்களை சந்தித்து தமிழகத்தில் முதலீடு செய்வதற்கான வாய்ப்புகள் குறித்து முதல்வர் விஜய் ஆலோசனை நடத்த உள்ளார். இந்தப் பயணத்தின் மூலம் தமிழகத்துக்கு புதிய முதலீடுகள் கிடைக்கும் என்ற எதிர்பார்ப்பு உருவாகியுள்ளது.
Also Read: மகன்களை மீட்க பிச்சைக்காரர்களாக மாறிய பெற்றோர்.. மாநிலம் மாநிலமாக தேடி கண்டுபிடித்த நெகிழ்ச்சி சம்பவம்!
