கேரளாவின் வயநாடு மாவட்டத்தில் உள்ள சூரல்மலா பகுதியில் நேற்றிரவு முழுவதும் பெய்த கனமழையால் அட்டமலா சாலையில் நிலச்சரிவு ஏற்பட்டதாக கூறப்படுகிறது.
வயநாட்டில் பெய்த கனமழைக்குப் பிறகு, முண்டகை பகுதியில் நிலச்சரிவுகள் ஏற்பட வாய்ப்புள்ளதாக சந்தேகிக்கப்படுகிறது. அப்பகுதியில் இருந்து பலத்த சத்தம் கேட்டதாக உள்ளூர்வாசிகள் தெரிவிக்கின்றனர். கனமழை காரணமாக, புன்னா நதியில் வெள்ளம் பெருக்கெடுத்து ஓடியது. கிராம சாலை வெள்ளத்தில் மூழ்கியது. சேற்று நீர் ஆற்றில் பாய்ந்தது. எங்காவது நிலச்சரிவு ஏற்பட்டதா என்று ஆய்வு செய்வோம் என்று அதிகாரிகள் விளக்கம் அளித்தனர்.
முண்டகை வனப்பகுதியில் 100 மிமீ மழை பெய்துள்ளதாக கூறப்படும் நிலையில். தீயணைப்பு மற்றும் காவல்துறையினர் அப்பகுதிக்கு அனுப்பப்பட்டுள்ளனர். சுரல்மாவில் தொடர்ந்து கனமழை பெய்து வருகிறது. புன்னப்புழா நதியில் நீர் மட்டம் கடுமையாக உயர்ந்து, பெய்லி பாலத்திற்கு சற்று கீழே வருகிறது. இது நிலச்சரிவு ஏற்படுவதற்கான சந்தேகங்களை அதிகரிக்கிறது.
தொழிலாளர்களை மீட்பதற்கான முயற்சிகள்
தீயணைப்பு மற்றும் மீட்பு சேவைகள், காவல்துறை, நீர்ப்பாசனம் மற்றும் வருவாய் துறைகள் உள்ளிட்ட அவசர சேவைகள் சம்பவ இடத்திற்கு விரைண்டுள்ளன. சாலை மூழ்கியதால் அட்டமலா தேயிலைத் தோட்டங்களில் சிக்கித் தவிக்கும் தொழிலாளர்களை மீட்பதற்கான முயற்சிகள் நடந்து வருகின்றன.
அங்குள்ள சாலைகள் நீரில் மூழ்கி உள்ளதாக கூறப்படும் நிலையில் வேறு எந்த பேரிடர் சம்பவங்கள் எதுவும் பதிவாகவில்லை என்று அதிகாரிகள் விளக்கம் அளித்துள்ளனர்.
புன்னப்புழா நதியில் பலத்த நீரோட்டம் இருப்பது கவலையளிக்கிறது என்றாலும், அது தற்போது சற்று குறைந்துள்ளதாக கூறப்படுகிறது. இருப்பினும், மலைப்பகுதியில் மேலும் மழை பெய்தால் நீர் ஓட்டம் அதிகரிக்கும் என்று அதிகாரிகள் எச்சரிக்கின்றனர். இந்த பகுதி முழுவதும் நேற்றிரவு முதல் தொடர்ந்து கனமழை பெய்து வருகிறது. இன்றும் அவ்வப்போது மழை பெய்து வருகிறது.
அச்சப்பட வேண்டாம்..
இதேபோன்ற இயற்கை பேரழிவுகளை அனுபவித்த பலர், அப்பகுதியில் வசிக்கும் பீதியில் உறைந்துள்ளனர். ஆனால் உடனடியாக அச்சப்படுவதற்கு எந்த காரணமும் இல்லை என்று அதிகாரிகள் கூறுகின்றனர்.
2024 வயநாடு நிலச்சரிவு
2024-ம் ஆண்டு ஜூலை 30-ம் தேதி அதிகாலையில் வயநாட்டில் ஏற்பட்ட மிகப்பெரிய நிலச்சரிவு ஒட்டுமொத்த நாட்டையுமே உலுக்கியது. வயநாடு மாவட்டத்தில் உள்ள வைத்திரி தாலுகாவில் உள்ள மேப்பாடி பஞ்சாயத்தில் உள்ள புஞ்சிரிமட்டம், முண்டக்கை, சூரல்மலை மற்றும் வெள்ளரிமலை கிராமங்களில் அடுத்தடுத்து நிலச்சரிவு ஏற்பட்டது. தொடர். கனமழையால் ஏற்பட்ட நிலச்சரிவுகளால் மலைப்பகுதிகள் இடிந்து நிலச்சரிவு ஏற்பட்டதில் 3 கிராமங்கள் முழுவதும் தண்ணீரில் அடித்து செல்லப்பட்டன.. இந்த நிலச்சரிவு கேரள வரலாற்றில் ஏற்பட்ட மிகவும் மோசமான இயற்கை பேரிடராகும். இதில் 254 பேர் உயிரிழந்தனர், 397 பேர் காயமடைந்தனர், மற்றும் 118 பேரை காணவில்லை என்பது குறிப்பிடத்தக்கது.
Read More : ரஜோரியில் துப்பாக்கிச்சூடு!. பயங்கரவாதி சுட்டுக்கொலை!. தேடுதல் வேட்டை தீவிரம்!.
