திட்டம் இரண்டு, அடியே படங்களின் மூலம் கவனம் பெற்றவர் இயக்குநர் விக்னேஷ் கார்த்திக். இவர், சமீபத்தில் இயக்கிய ஹாட்ஸ்பாட் திரைப்படம் திரைக்கு வந்தது. ஆண் – பெண் உறவு மற்றும் சமூகப் பிரச்சனையை மையமாகக் கொண்டு உருவான இப்படத்தில் கலையரசன், சாண்டி மாஸ்டர், கவுரி கிஷன், ஆதித்யா பாஸ்கர், அம்மு அபிராமி, ஜனனி ஐயர், சுபாஷ், சோபியா உட்பட பலர் நடித்துள்ளனர்.
இப்படம் விமர்சன ரீதியாகவும் நல்ல பெயரைப் பெற்றது. ஆனால், போதிய திரையரங்கம் மற்றும் ரசிகர்களின் ஆதரவு இல்லாததால் வசூலில் திணறி வருகிறது. இந்நிலையில், பத்திரிகையாளர்களைச் சந்தித்துப் பேசிய படத்தின் இயக்குநர் விக்னேஷ் கார்த்திக், “படம் பார்த்தவர்கள் நன்றாக ரசித்துப் பார்த்தனர்.
ஆனால், நாங்கள் எதிர்பார்த்த கூட்டம் வரவில்லை. மலையாளப் படத்திற்கு அவ்வளவு ஆதரவு தருகிறீர்கள். நாங்கள், உண்மையிலேயே நல்ல படம்தான் எடுத்திருக்கிறோம். நம்பிக்கையுடன் சொல்கிறேன். இப்படம் உங்களுக்குக் கண்டிப்பாகப் பிடிக்கும். பிடிக்கவில்லையென்றால் என்னை செருப்பால் கூட அடியுங்கள்” என வேதனையுடன் கூறியிருக்கிறார்.
Read More : பெரும் சோகம்..!! பிரபல தமிழ் நடிகர் விஸ்வேஸ்வர ராவ் காலமானார்..!! திரையுலகினர் இரங்கல்..!!
