போர் மூலம் எந்த பிரச்சினைக்கும் தீர்வு கிடைக்காது என்றும், மேற்காசியா மற்றும் உக்ரைன் பகுதிகளில் நடைபெறும் மோதல்கள் விரைவாக முடிவுக்கு வர வேண்டும் என்றும் பிரதமர் மோடி வலியுறுத்தினார். பின்லாந்து அதிபர் அலெக்ஸாண்டர் உடன் விரிவான பேச்சுவார்த்தை நடத்திய பின்னர் பிரதமர் மோடி இந்த கருத்தை தெரிவித்துள்ளார். எந்த பிரச்சினையும் ராணுவ மோதலால் மட்டும் தீர்க்க முடியாது என்று பிரதமர் மோடி கூறினார்.
போர் அல்ல, உரையாடலே தீர்வு
பிரதமர் மோடி மேலும் “இந்தியா மற்றும் பின்லாந்து ஆகிய இரு நாடுகளும் சட்டத்தின் ஆட்சி, உரையாடல் மற்றும் தூதரகம் ஆகியவற்றில் நம்பிக்கை கொண்டுள்ளன. எந்த பிரச்சினையும் ராணுவ மோதலால் மட்டும் தீர்க்க முடியாது என்பதில் இரு நாடுகளும் ஒரே கருத்தில் உள்ளன,” என்று தெரிவித்தார்.
மேலும் “அது உக்ரைனாக இருந்தாலும் அல்லது மேற்கு ஆசியாவாக இருந்தாலும், அந்த பகுதிகளில் நடைபெறும் மோதல்கள் விரைவாக முடிவுக்கு வர இந்தியா தொடர்ந்து ஆதரவு அளிக்கும். அமைதிக்கான அனைத்து முயற்சிகளையும் இந்தியா ஆதரிக்கும்,” என்று கூறினார்..
இந்தியா–பின்லாந்து கூட்டாண்மை
இந்த சந்திப்பில், இந்தியா மற்றும் பின்லாந்து நாடுகள் டிஜிட்டல் தொழில்நுட்பம் மற்றும் நிலைத்த வளர்ச்சி போன்ற துறைகளில் தங்களின் உறவை மூலோபாய கூட்டாண்மையாக உயர்த்த ஒப்புக் கொண்டன. “AI முதல் 6G தொலைத்தொடர்பு, தூய்மையான ஆற்றல், குவாண்டம் கணினி வரை பல உயர் தொழில்நுட்ப துறைகளில் இந்த கூட்டாண்மை புதிய வேகத்தை வழங்கும்,” என்று பிரதமர் மோடி கூறினார்..
வர்த்தக உறவுகள் வலுப்படும்
மேலும், இந்தியா மற்றும் இடையிலான இலவச வர்த்தக ஒப்பந்தம் இந்தியா–பின்லாந்து வர்த்தக உறவுகளை மேலும் வலுப்படுத்தும் என்று மோடி கூறினார். “இந்த ஒப்பந்தம் இந்தியா மற்றும் பின்லாந்து இடையிலான வர்த்தகம், முதலீடு மற்றும் தொழில்நுட்ப ஒத்துழைப்பை மேலும் பலப்படுத்தும்,” என்றும் அவர் தெரிவித்தார்.
பின்லாந்து ஜனாதிபதி இந்தியா வருகை
பின்லாந்து ஜனாதிபதி அலெக்சாண்டர் ஸ்டப் 4 நாள் பயணமாக இந்தியா வந்துள்ளார்.. இந்த பயணத்தின் முக்கிய நோக்கம், இந்தியா மற்றும் பின்லாந்து இடையே வர்த்தகம், முதலீடு மற்றும் முக்கிய தொழில்நுட்ப துறைகள் உள்ளிட்ட பல்வேறு துறைகளில் இருதரப்பு ஒத்துழைப்பை அதிகரிப்பதாகும்.
Read More : தீவிரமடையும் போர்.. 23,000 இந்திய மாலுமிகள் சிக்கி தவிப்பு.. வளைகுடா பகுதியில் பெரும் பதற்றம்..!
