இணையதள சூதாட்டத்திற்கு தற்போது மத்திய அரசு 28 சதவீத ஜிஎஸ்டி வரியை விதிக்கும் மசோதாவை தாக்கல் செய்தது. அது நாடாளுமன்றத்தில் இன்றைய தினம் தாக்கல் செய்யப்பட்டு இருக்கிறது.
நாடாளுமன்ற மழைக்கால கூட்டத்தொடரின் கடைசி நாளான இன்று, ஒரு சில, முக்கிய மசோதாக்கள் நாடாளுமன்றத்தில் தாக்கல் செய்யப்பட்டன. அதோடு, இரு அவைகளிலும் நிறைவேற்றப்பட்ட மசோதாவுக்கு ஒப்புதல் வழங்கப்பட்டது.
அந்த வகையில், கேசினோ, குதிரைப் பந்தயம், இணையதள விளையாட்டுகள், இணையதள சூதாட்டம் போன்றவற்றுக்கு 28% வரி விதிக்கும் மத்திய ஜிஎஸ்டி மற்றும் ஒருங்கிணைந்த ஜிஎஸ்டி சட்டங்களில் திருத்தங்களை மேற்கொள்வதற்கான இரண்டு மசோதாக்களை மத்திய நிதி அமைச்சர் நிர்மலா சீதாராமன் தாக்கல் செய்த சூழ்நிலையில், மக்களவையில் குரல் வாக்கெடுப்பு மூலமாக நிறைவேற்றப்பட்டு நாடாளுமன்றத்தில் இன்று ஒப்புதல் வழங்கப்பட்டது.
கடந்த ஜூலை மாதம் 20ஆம் தேதி ஆரம்பமான மழை கால நாடாளுமன்ற கூட்டத்தொடர் இன்றுடன், முடிவுக்கு வந்தது. நாடாளுமன்றத்தின் இரு அவைகளும் தேதி குறிப்பிடாமல் ஒத்தி வைக்கப்பட்டுள்ளன.
