சின்னத்திரையில் தனக்கென ரசிகர் பட்டாளத்தை உருவாக்கிய நடிகை வினுஷா தேவி, தற்போது தனது வாழ்க்கையில் புதிய அத்தியாயத்தை தொடங்கியுள்ளார். விஜய் டிவியின் பிரபல சீரியல் மூலம் கவனம் பெற்ற அவர், பிக்பாஸ் நிகழ்ச்சியிலும் பங்கேற்று தனது ரசிகர் வட்டத்தை மேலும் விரிவுபடுத்தினார். இந்த நிலையில், வினுஷா தேவிக்கும் லிங்கா என்பவருக்கும் இன்று திருமணம் நடைபெற்றுள்ளது.
வினுஷா தேவி முதலில் விஜய் டிவியில் ஒளிபரப்பான ‘பாரதி கண்ணம்மா’ சீரியல் மூலம் ரசிகர்களிடம் பிரபலமானார். இதில் கதாநாயகியாக நடித்த அவர், தனது நடிப்பின் மூலம் சின்னத்திரை ரசிகர்களின் கவனத்தை ஈர்த்தார். தொடர்ந்து பல்வேறு வாய்ப்புகள் அவரைத் தேடி வந்தன.
சின்னத்திரையில் கிடைத்த வரவேற்பைத் தொடர்ந்து, விஜய் டிவியில் ஒளிபரப்பான பிக்பாஸ் நிகழ்ச்சியின் 7-வது சீசனில் போட்டியாளராக பங்கேற்றார் வினுஷா தேவி. இந்த நிகழ்ச்சியின் மூலம் சீரியல் ரசிகர்களைத் தாண்டி, பொதுமக்கள் மத்தியிலும் அவர் பரவலாக அறிமுகமானார்.
பிக்பாஸ் நிகழ்ச்சிக்குப் பிறகும் தொடர்ந்து நடிப்பில் கவனம் செலுத்தி வரும் வினுஷா தேவி, தற்போது விஜய் டிவியில் ஒளிபரப்பாகி வரும் ‘சுட்டும் விழி சுடரே’ சீரியலில் நடித்து வருகிறார். இந்த ஆண்டு ஜனவரி மாதம் தொடங்கப்பட்ட இந்தத் தொடரில் அவரது கதாபாத்திரம் ரசிகர்களிடையே வரவேற்பைப் பெற்று வருகிறது.
இந்நிலையில், வினுஷா தேவிக்கும் லிங்கா என்பவருக்கும் இன்று திருமணம் நடைபெற்றுள்ளது. நெருங்கிய உறவினர்கள் மற்றும் நண்பர்கள் முன்னிலையில் நடைபெற்ற இந்தத் திருமணத்தில் சின்னத்திரையைச் சேர்ந்த பல பிரபலங்களும் கலந்து கொண்டு மணமக்களை வாழ்த்தியுள்ளனர்.
சீரியல் நடிகையாக ரசிகர்கள் மத்தியில் அறிமுகமாகி, பிக்பாஸ் நிகழ்ச்சியின் மூலம் மேலும் பிரபலமடைந்து, தொடர்ந்து சின்னத்திரையில் பயணித்து வரும் வினுஷா தேவி, தற்போது திருமண வாழ்க்கையிலும் அடியெடுத்து வைத்துள்ளார். இதையடுத்து, அவருக்கு ரசிகர்கள் மற்றும் சின்னத்திரை பிரபலங்கள் சமூக வலைதளங்களில் வாழ்த்துகளைத் தெரிவித்து வருகின்றனர்.
Also Read: திருமணப் பரிசாக நிலவில் 1 ஏக்கர் நிலம்! வருங்கால மனைவிக்காக நாமக்கல் இளைஞர் செய்த வித்தியாசமான சம்பவம்!
