படப்பிடிப்பில் நடிகர்கள் இயல்பாகச் சிரிக்கவும், எதிர்பாராத தருணங்களில் சிறப்பான காட்சிகள் உருவாகவும் சில சுவாரஸ்யமான சம்பவங்கள் நடப்பதுண்டு. அப்படியொரு அனுபவத்தைத்தான் நடிகை செந்தில்குமரி தற்போது பகிர்ந்துள்ளார். நடிகர் பிரபுதேவா, தனக்குத் தெரியாமல் செய்த ஒரு செயலால் அதிர்ச்சியில் கத்த வைத்த சம்பவத்தை அவர் நினைவுகூர்ந்துள்ளார்.
சார்லி சாப்ளின் திரைப்படத்தில் பிரபுதேவாவுக்கு அம்மாவாக நடித்தவர் செந்தில்குமரி. அந்தப் படத்தில் காது கேட்காத பெண்ணாக அவர் நடித்திருந்தார். படப்பிடிப்பின்போது ஒரு காட்சியில் பிரபுதேவா திடீரெனத் தன்னைக் கட்டிப்பிடித்து காதைக் கடித்ததாகவும், எதிர்பாராத அந்தச் செயலால் தான் அலறிவிட்டதாகவும் அவர் தெரிவித்துள்ளார்.
இதற்குப் பிறகு, ஏன் அப்படிச் செய்தீர்கள் என்று பிரபுதேவாவிடம் கேட்டபோது, முன்கூட்டியே சொல்லாமல் செய்ததால்தான் அந்த எதிர்வினை இயல்பாக வந்ததாக அவர் விளக்கியுள்ளார். அந்தக் காட்சிக்குத் தேவையான உணர்வும், குரலும் அப்போதுதான் சரியாகக் கிடைத்ததாகவும் கூறியுள்ளார். அந்தச் சம்பவம் படத்தில் நகைச்சுவையாக அமைந்ததாக செந்தில்குமரி தனது பேட்டியில் குறிப்பிட்டுள்ளார்.
நடன இயக்குநராகத் தொடங்கி, நடிகர் மற்றும் இயக்குநராகவும் புகழ்பெற்றவர் பிரபுதேவா. அவரது நடனத் திறமைக்காகத் தனி ரசிகர் பட்டாளமே உள்ளது. தற்போது மூன்வாக், பேங் பேங் உள்ளிட்ட படங்களில் அவர் நடித்து வருகிறார். இந்தச் சூழலில், பிரபுதேவாவுடன் பணியாற்றியபோது நடந்த இந்தச் சுவாரஸ்யமான சம்பவத்தை செந்தில்குமரி பகிர்ந்திருப்பது கவனம் பெற்றுள்ளது.
Also Read: “இது இருந்தா நம்ம உல்லாசமா இருக்க முடியாது”.. காதலனுடன் உல்லாசத்துக்கு இடையூறாக இருந்த 8 மாதக் குழந்தைக்கு நேர்ந்த கொடூரம்!
