விதிமீறலில் ஈடுபட்ட 8 பேருந்துகளை பறிமுதல் செய்ததாக அதிகாரிகள் தெரிவித்துள்ளனர்.
தீபாவளி பண்டிகை நேற்று கொண்டாடப்பட்ட நிலையில் சென்னையிலிருந்து பல லட்சம் பேர் சொந்த ஊர்களுக்கு சென்றுள்ளனர். இந்த நிலையில், தீபாவளி பண்டிகையையொட்டி தனியார் ஆம்னி பேருந்துகளில் அதிக கட்டணம் வசூலிக்கப்படுகிறதா..? முறையாக வரி செலுத்தப்பட்டு பேருந்துகள் இயக்கப்படுகிறதா என போக்குவரத்துத்துறை அதிகாரிகள் கடந்த 4 தினங்களாக ஆய்வு நடத்தினார்கள். விதிமீறலில் ஈடுபட்ட 8 பேருந்துகளை பறிமுதல் செய்ததாக அதிகாரிகள் தெரிவித்துள்ளனர்.
தீபாவளியை முன்னிட்டு தமிழ்நாடு முழுவதும் இயக்கப்பட்ட ஆம்னி பேருந்துகளில், கூடுதல் கட்டணம் வசூலிப்பது தொடர்பான விதிமீறல்களில் ஈடுபட்ட 1,223 பேருந்துகளுக்கு ரூ.18,76,700 அபராதம் விதிக்கப்பட்டுள்ளது. முறையாக வரி செலுத்தாத ஆம்னி உரிமையாளர்களிடம் இருந்து ரூ11,25,180 வரி வசூல் செய்யப்பட்டது. விதிமீறலில் ஈடுபட்ட 8 பேருந்துகளை பறிமுதல் செய்ததாக போக்குவரத்துத்துறை அதிகாரிகள் தகவல் தெரிவித்துள்ளனர்.
