சருமத்தை அழகாகவும் ஆரோக்கியமாகவும் வைத்திருக்க பல்வேறு skincare products தற்போது சந்தையில் கிடைக்கின்றன. கிரீம்கள், சீரம்கள் முதல் விலையுயர்ந்த cosmetic treatments வரை பலரும் தங்களது சருமப் பிரச்சினைகளுக்கு தீர்வு தேடி வருகின்றனர். அதே நேரத்தில், சமூக வலைதளங்களில் பிரபலமாகும் DIY skincare முறைகளும் பலரது கவனத்தை ஈர்த்து வருகின்றன.
ஆனால், இணையத்தில் பிரபலமாகும் ஒவ்வொரு skincare முறையும் அனைத்து சரும வகைகளுக்கும் ஏற்றதாக இருக்காது. சில இயற்கைப் பொருட்கள்கூட குறிப்பிட்ட நபர்களுக்கு எரிச்சல், வறட்சி அல்லது அலர்ஜியை ஏற்படுத்தலாம். எனவே, பாரம்பரியமாக பயன்படுத்தப்பட்ட பொருட்களை சருமத்தில் பயன்படுத்தும்போதும் கவனம் அவசியம்.
நவீன skincare products அதிகம் பயன்பாட்டுக்கு வருவதற்கு முன்பு, வீடுகளில் எளிதாகக் கிடைத்த பொருட்களையே பலர் சருமப் பராமரிப்புக்குப் பயன்படுத்தினர். அவற்றில் சிலவற்றை சருமத்திற்கு ஏற்றதாக இருந்தால், இன்றும் எளிய skincare routine-ல் சேர்த்துக்கொள்ளலாம்.
முல்தானி மிட்டி
எண்ணெய்ப் பசை அதிகம் உள்ள சருமத்திற்கு முல்தானி மிட்டி பாரம்பரியமாக பயன்படுத்தப்பட்டு வருகிறது. இது சருமத்தில் உள்ள அதிகப்படியான எண்ணெயை உறிஞ்சி, முகத்தை சுத்தமாகவும் புத்துணர்ச்சியாகவும் உணரச் செய்யலாம்.
முல்தானி மிட்டியை தண்ணீர் அல்லது ரோஸ் வாட்டருடன் கலந்து மென்மையான பேஸ்டாக தயாரித்து முகத்தில் தடவலாம். காய்ந்ததும் மெதுவாக கழுவ வேண்டும். ஆனால் வறண்ட அல்லது சென்சிட்டிவ் சருமம் உள்ளவர்கள் இதை அடிக்கடி பயன்படுத்துவதை தவிர்ப்பது நல்லது.
மஞ்சள் – கடலை மாவு
மஞ்சள் மற்றும் கடலை மாவு இந்தியாவின் பாரம்பரிய அழகு பராமரிப்பில் நீண்ட காலமாக பயன்படுத்தப்பட்டு வருகின்றன. கடலை மாவு மென்மையான physical exfoliation-க்கு உதவக்கூடும். மஞ்சளும் பாரம்பரியமாக சருமத்தை அமைதியாக வைத்திருக்க பயன்படுத்தப்படுகிறது.
சிறிதளவு மஞ்சளை கடலை மாவுடன் கலந்து, சருமத்திற்கு ஏற்ற மென்மையான பொருளுடன் பேஸ்டாக தயாரிக்கலாம். இதை உடல் அல்லது முகத்தில் பயன்படுத்தும்போது கடுமையாக தேய்க்கக் கூடாது. குறிப்பாக சென்சிட்டிவ் சருமம் உள்ளவர்கள் கூடுதல் கவனத்துடன் இருக்க வேண்டும்.
சந்தனப் பேஸ்ட்
சந்தனம் பாரம்பரிய சருமப் பராமரிப்பில் முக்கிய இடம் பெற்ற ஒரு பொருள். முன்பு உண்மையான சந்தனக் கட்டையை கல்லில் சிறிது தண்ணீர் சேர்த்து தேய்த்து, கிடைக்கும் பேஸ்டை சருமத்தில் பயன்படுத்தினர்.
சந்தனப் பேஸ்ட் சருமத்திற்கு குளிர்ச்சியான, இதமான உணர்வை தரக்கூடும். குறிப்பாக வெயில் அதிகமாக இருக்கும் காலங்களில் இதை பாரம்பரியமாக பயன்படுத்தி வந்துள்ளனர். தற்போது சந்தனப் பொருட்களை வாங்கும்போது, தரமான மற்றும் சருமத்தில் பயன்படுத்துவதற்கு ஏற்ற தயாரிப்புகளை மட்டுமே தேர்வு செய்வது அவசியம்.
மாய்ஸ்சரைசருக்கு மாற்றாக எண்ணெய்?
மாய்ஸ்சரைசர்கள், சீரம்கள் போன்றவை நவீன skincare routine-ல் முக்கிய இடம் பிடித்துள்ளன. அதற்கு முன்பாக, சருமத்தை மென்மையாக வைத்திருக்க பல்வேறு எண்ணெய்களை பயன்படுத்தும் பழக்கம் இருந்தது.
மிதமான எண்ணெய் மசாஜ் சருமத்தின் மென்மையை பராமரிக்க உதவலாம். ஆயுர்வேதத்தில் பயன்படுத்தப்படும் கும்குமாதி தைலம் போன்ற எண்ணெய்களும் சருமப் பராமரிப்பில் பிரபலமாக உள்ளன.
எனினும், எண்ணெய் அனைத்து சரும வகைகளுக்கும் பொருந்தும் என்று சொல்ல முடியாது. முகப்பரு அதிகம் வரும் அல்லது சென்சிட்டிவ் சருமம் உள்ளவர்கள் புதிய எண்ணெயை பயன்படுத்துவதற்கு முன்பு சிறிய பகுதியில் patch test செய்வது நல்லது.
வறண்ட சருமத்திற்கு பால் ஏடு
பால் ஏடு அல்லது மலாய், பாரம்பரியமாக வறண்ட சருமத்துக்கு பயன்படுத்தப்பட்ட மற்றொரு பொருளாகும். சிறிதளவு பால் ஏட்டுடன் மிகக் குறைந்த அளவு மஞ்சளை கலந்து முகம், கைகள் மற்றும் கால்களில் பயன்படுத்தும் பழக்கம் இருந்தது.
சிலருக்கு பால் சார்ந்த பொருட்கள் சருமத்தில் எரிச்சலை ஏற்படுத்தலாம். எனவே முகத்தில் பயன்படுத்துவதற்கு முன்பு சிறிய பகுதியில் பரிசோதனை செய்து பார்ப்பது பாதுகாப்பான அணுகுமுறையாகும்.
இயற்கையானது என்றாலே அனைவருக்கும் பாதுகாப்பானது அல்ல!
இயற்கைப் பொருட்கள் எளிமையானதாகவும் குறைந்த செலவில் கிடைப்பதாகவும் இருந்தாலும், அவை அனைவரது சருமத்துக்கும் ஒரே மாதிரியான பலனை தரும் என்று எதிர்பார்க்க முடியாது. ஒவ்வொருவரின் சருமத் தன்மையும் வேறுபடும் என்பதால், புதிய பொருளை பயன்படுத்தும்போது கவனம் அவசியம்.
சென்சிட்டிவ் அல்லது முகப்பரு ஏற்படும் சருமம் உள்ளவர்கள் ஒரே நேரத்தில் பல பொருட்களை பயன்படுத்தாமல், ஒவ்வொன்றாக அறிமுகப்படுத்துவது நல்லது. எலுமிச்சை சாறு, நீர்த்துப் பயன்படுத்தாத essential oils மற்றும் கடுமையான scrubs போன்றவற்றை முகத்தில் பயன்படுத்துவதை தவிர்க்க வேண்டும். இவை சருமத்தில் எரிச்சலை ஏற்படுத்தக்கூடும்.
சருமப் பராமரிப்பில் வீட்டில் பயன்படுத்தும் பொருட்கள் மட்டுமல்லாமல், சத்தான உணவு, போதுமான தூக்கம், சூரிய ஒளியிலிருந்து பாதுகாப்பு மற்றும் தொடர்ந்து பின்பற்றும் skincare routine ஆகியவையும் முக்கியம். பாரம்பரியப் பொருட்களை சருமத்திற்கு ஏற்றதாக இருந்தால் routine-ல் சேர்த்துக்கொள்ளலாம்; ஆனால் எந்தவொரு வீட்டு வைத்தியத்தையும் அனைத்து சருமப் பிரச்சினைகளுக்கும் உறுதியான தீர்வாக கருதக்கூடாது.
Also Read: ‘வயிற்றில் புழுக்கள்’ எனக் காட்டி குழந்தைகளை அச்சுறுத்திய செய்முறை… பயமுறுத்தி விழிப்புணர்வு ஏற்படுத்துவதா? என விவாதத்தை கிளப்பிய ஆசிரியரின் செயல்!
