திமுக பொதுச் செயலாளர் துரைமுருகன் அக்கட்சியின் உயர்நிலை செயல்திட்டக் குழு உறுப்பினர்கள், தலைமை கழக நிர்வாகிகள் பட்டியலை வெளியிட்டுள்ளார்.
இது குறித்து அக்கட்சியின் பொதுச் செயலாளர் துரைமுருகன் வெளியிட்ட அறிவிப்பில்; திமுகவில் தலைவர் மு.க.ஸ்டாலின், பொதுச்செயலாளர் துரைமுருகன், பொருளாளர் டி.ஆர்.பாலு, தலைமை கழக முதன்மை செயலாளர் கே.என்.நேரு, துணைப் பொதுச் செயலாளர் ஐ.பெரியசாமி, துணைப் பொதுச் செயலாளர் க.பொன்முடி, துணைப் பொதுச்செயலாளர் ஆ.ராசா, துணைப் பொதுச்செயலாளர் அந்தியூர் ப.செல்வராஜ், துணைப் பொதுச்செயலாளர் கனிமொழி எம்பி, அமைப்பு செயலாளர் ஆலந்தூர் ஆர்.ஸ்.பாரதி எம்பி உள்ளிட்டோர் இடம் பெற்றுள்ளன.
அதேபோல், அமைப்புச் சாரா ஓட்டுநர் அணியின் தலைவராக வேலூர் எம்.பி கதிர் ஆனந்த் நியமிக்கப்பட்டுள்ளார். புதிதாக விளையாட்டு மேம்பாட்டு அணி உருவாக்கப்பட்டு அதன் அணிச் செயலாளராக தயாநிதி மாறன் எம்.பி நியமனம் செய்யப்பட்டுள்ளார்.
