நுரைக்கும் கேக் என்றால் பலருக்கும் புதுசாகத் தோன்றலாம். ஆனால், தென் இந்தியாவில் பல தசாப்தங்களாக செய்து வந்த ஒரு தனித்துவமான இனிப்பு தான் இந்த “கோகோ-கோலா கேக்”. பழமையான ரெசிபியாக இருந்தாலும், இன்றும் சுவையில் எந்த மாற்றமும் இல்லாமல் ரசிகர்களை கவர்ந்து வருகிறது. குறிப்பாக, கேக் மாவில் நேரடியாக கோகோ-கோலாவை சேர்ப்பது தான் இதன் முக்கிய ரகசியம்.
இந்த கேக் வெறும் இனிப்பாக மட்டுமல்ல மிகவும் மென்மையானதும், ஈரப்பதம் நிறைந்ததும். கோகோ-கோலாவில் உள்ள சோடா தன்மை, கேக்கிற்கு ஒரு நுட்பமான கேரமல் சுவையையும், பஞ்சு போன்ற மென்மையையும் அளிக்கிறது. மேலும், இதற்கு மேல் ஊற்றப்படும் சாக்லேட் கிளேஸ் இந்த கேக்கை இன்னும் பளபளப்பாகவும் சுவையாகவும் மாற்றுகிறது. ஒருகாலத்தில் குடும்ப விருந்துகள், பிற்பகல் சிற்றுண்டிகளில் இந்த கேக் முக்கிய இடம் பெற்றிருந்தது. இப்போது, இந்த “ரெட்ரோ” ரெசிபி மீண்டும் வைரலாகி வருகிறது.
தேவையான பொருட்கள்
சாக்லேட் கேக் கலவை – 1 பெட்டி
வெண்ணிலா இன்ஸ்டன்ட் புட்டிங் / கஸ்டர்ட் பவுடர் – அரை பாக்கெட்
முட்டைகள் – 3
கோகோ-கோலா – 1½ கப்
வெண்ணெய் – 113 கிராம் + 2 மேசைக்கரண்டி
கோகோ பவுடர் – அரை கப்
பொடித்த சர்க்கரை – 3 கப்
செய்வது எப்படி?
* முதலில், கேக் கலவை மற்றும் வெண்ணிலா புட்டிங்கை ஒன்றாக கலந்து கொள்ள வேண்டும். அதில் முட்டைகளை உடைத்து சேர்க்கவும்.
* பின்னர் கோகோ-கோலா மற்றும் மென்மையான வெண்ணெயை சேர்த்து, பஞ்சுபோல் மிருதுவாகும் வரை நன்றாகக் கலக்கவும்.
* பேக்கிங் தட்டில் வெண்ணெய் தடவி, இந்த கலவையை ஊற்றி 175°C வெப்பநிலையில் 30–35 நிமிடங்கள் வரை வேகவைக்கவும்.
* இதே நேரத்தில், ஐசிங் தயாரிக்க கோகோ-கோலா மற்றும் வெண்ணெயை சூடாக்கி, அதில் கோகோ பவுடர் மற்றும் பொடித்த சர்க்கரையை சேர்த்து கலக்கவும்.
* கேக் வெந்ததும், இந்த கிளேஸை மேலே ஊற்றி ஆறவிடுங்கள்.அறை வெப்பநிலைக்கு வெதுவெதுப்பானதும் சாப்பிடத் தொடங்குங்கள்.
