மும்பையில் ரயில் நிலையத்தில் இருந்த மூன்று வயது குழந்தை பாலியல் வன்புணர்வு செய்யப்பட்ட சம்பவம் அதிர்ச்சியை ஏற்படுத்தி இருக்கிறது. நவி மும்பையில் உள்ள பன்வல் ரயில்வே ஸ்டேஷனில் தான் இந்தக் கொடூர சம்பவம் அரங்கேறி இருக்கிறது. அந்த ரயில்வே நிலையத்தில் உள்ள பிளாட்பாரத்தில் தனது தாயுடன் உறங்கிக் கொண்டிருந்த மூன்று வயது குழந்தையை அப்பகுதியில் குப்பைகளை பொறுக்கும் ஒரு நபர் தூக்கிச் சென்று ஆள் நடமாட்டமில்லாத இடத்தில் வைத்து குழந்தையை வன்புணர்வு செய்து இருக்கிறான். குழந்தை அழும் சத்தம் கேட்கவே அதன் பெற்றோர்கள் எழுந்து பார்த்தபோது குழந்தை தொலைதூரத்தில் அழுது கொண்டு இருக்கிறது.
குழந்தையைப் பார்த்து பெற்றோர் சோதனை செய்தபோது குழந்தை வன்புணர்வு செய்யப்பட்டதை அறிந்த அவர்கள் இது தொடர்பாக காவல்துறையில் வழக்கு பதிவு செய்தனர். இதனைத் தொடர்ந்து இவ் வழக்கை விசாரித்த காவல்துறை சில மணி நேரங்களிலேயே அந்தக் குற்றவாளியை கைது செய்து கற்பழிப்பு மற்றும் போக்சோ சட்டத்தின் கீழ் சிறையில் அடைத்தது. தற்போது நாடெங்கிலும் பெண்கள் மற்றும் சிறு குழந்தைகளுக்கு எதிரான குற்றச்சம்பவங்கள் அதிகரித்து வருகின்றன. இது பெற்றோர்களை பெரிதும் அச்சமடைய செய்திருக்கிறது. பச்சிளம் குழந்தைகள் கூட நாட்டில் அமைதியாக வாழ முடியாத ஒரு சூழ்நிலை உருவாகி வருகிறது.
