வீட்டில் பணத்தை வைத்திருப்பது பாதுகாப்பானது அல்ல என்பதால், பலர் தாங்கள் சம்பாதித்த பணத்தை வங்கிக் கணக்கில் சேமிக்கிறார்கள். பணம் கிடைக்கும்போதெல்லாம், அது பாதுகாப்பானது என்றும், தேவைப்படும்போது எடுத்துப் பயன்படுத்திக்கொள்ளலாம் என்றும் கருதி அதை வங்கிக் கணக்கில் டெபாசிட் செய்கிறார்கள். வங்கிக் கணக்கில் பணத்தை வைப்பது பாதுகாப்பை அளிக்கிறது.
ஆனால், பணத்தை எடுப்பதற்குச் சில விதிகள் உள்ளன. அவற்றை மீறினால், நீங்கள் வருமான வரித்துறையின் கண்காணிப்பு வளையத்திற்குள் சிக்க நேரிடலாம். குறிப்பாக, ஒருவர் தனது வங்கிக் கணக்கிலிருந்து ஒரே நேரத்தில் ரூ. 10 லட்சத்தை எடுத்தால், அவர் வருமான வரித்துறையின் கண்காணிப்புக்கு உட்படுத்தப்படுவார். அவரது வங்கிப் பரிவர்த்தனை விவரங்கள் கூர்ந்து ஆராயப்படும்.
ரூ. 10 லட்சத்திற்கு மேல் பணம் எடுப்பதைக் கண்காணித்தல்:
கருப்புப் பணம், சட்டவிரோத பணப் பரிவர்த்தனைகள் மற்றும் வரி ஏய்ப்பு ஆகியவற்றைத் தடுக்க வருமான வரித்துறை பல்வேறு நடவடிக்கைகளை எடுத்து வருகிறது. இதன் ஒரு பகுதியாக, தனிநபர்களின் பணப் பரிவர்த்தனைகளைக் கண்காணிக்கவும் வருமான வரித்துறை நடவடிக்கை எடுத்து வருகிறது.
இந்தக் கண்காணிப்புப் பணியில் வங்கிகளும் வருமான வரித்துறைக்கு உதவுகின்றன. உதாரணமாக, நீங்கள் வங்கியில் பெரிய அளவிலான பணத்தை டெபாசிட் செய்தாலோ அல்லது எடுத்தாலோ, வங்கிகள் அது குறித்த தகவலை வருமான வரித்துறைக்குத் தெரிவிக்கின்றன. இதன் மூலம், வருமான வரித்துறை உங்களை மிக எளிதாகத் தொடர்புகொள்ள முடியும்.
ஓராண்டில் எவ்வளவு பணத்தை எடுக்கலாம்?
வங்கிகள் நிதியாண்டு அடிப்படையில் செயல்படுகின்றன. இதனால், ஒரு நபர் ஒரு நிதியாண்டில் எவ்வளவு பணத்தை எடுக்கிறார் என்பதை வருமான வரித்துறை கண்காணிக்கிறது. ஒரு நபர் ஒரு நிதியாண்டில் தனது வங்கிக் கணக்கிலிருந்து ரூ. 10 லட்சம் வரை எடுக்கலாம்; அதில் எந்தப் பிரச்சனையும் இல்லை. அவர் ரூ. 10 லட்சத்திற்கு அதிகமாகவும் பணம் எடுக்கலாம்.
ஆனால் அவ்வாறு செய்தால், அவர் விசாரணைக்கு உட்படுத்தப்படுவார். அப்போது, அந்தப் பணம் எங்கிருந்து வந்தது மற்றும் அது எவ்வாறு பெறப்பட்டது என்பது தொடர்பான ஆவணங்களை அவர் வைத்திருக்க வேண்டியிருக்கும். பணம் குறித்த முறையான ஆவணங்கள் இல்லையெனில், வருமான வரித்துறை நடவடிக்கை எடுக்கும் என்பதை நினைவில் கொள்ள வேண்டும்.
Read More : நாடு முழுவதும் ஏடிஎம்கள் மூடல்..? என்ன காரணம்..? அதிர்ச்சி தகவல்..!
