ஹைதராபாத் நகரில் ஒரு பெண் தனது கணவர் மற்றும் அவரது உறவினர்கள் தன்னை தொடர்ந்து துன்புறுத்தியதாக காவல்துறையில் புகார் அளித்துள்ளார். அவர் அளித்த புகாரின் படி, நவாஸ் என்ற நபர் தன்னை இந்து மதத்திற்கு மாற்றியதாகவும், “நவதுர்கா” என பெயர் மாற்றியதாகவும் குற்றம் சாட்டினார்.
2025 மே மாதத்தில், குடும்பத்தினரைச் சந்திப்பதாக கூறி நவாஸ் அந்தப் பெண்ணை ஒரு ரிசார்ட்டுக்கு அழைத்துச் சென்றதாக கூறப்படுகிறது. ஆனால் அங்கு வேறு யாரும் வராத நிலையில், அவர் மயக்க மருந்து கொடுத்து பாலியல் வன்கொடுமை செய்ததாக பெண் குற்றம் சாட்டியுள்ளார். மேலும், அந்த சம்பவத்தை படம் பிடித்து, திருமணம் செய்ய மறுத்தால் வெளியிடுவதாக மிரட்டியுள்ளார்.
பின்னர் ஜூலை மாதத்தில் இருவரும் திருமணம் செய்து கொண்டு பேகம்பேட் பகுதியில் குடியேறியுள்ளனர். ஆனால் திருமணத்திற்குப் பிறகும் துன்புறுத்தல் தொடர்ந்ததாகவும், கணவரின் நண்பர்கள் மற்றும் உறவினர்கள் தன்னை பலமுறை பாலியல் வன்கொடுமை செய்ததாகவும், மத வழக்கங்களை பின்பற்ற கட்டாயப்படுத்தியதாகவும், கட்டாய கருக்கலைப்பு மற்றும் குடும்பத்தினர்முன் அவமானப்படுத்தல் ஆகியவை நடந்ததாக பெண் குற்றம் சாட்டியுள்ளார்.
இதற்கிடையில், நவாஸ் காணாமல் போனதாக கூறப்பட்டதைத் தொடர்ந்து, அந்தப் பெண் காவல்துறையை அணுகினார். ஆரம்பத்தில் “காணாமல் போனவர்” புகாராக மட்டும் பதிவு செய்யப்பட்ட நிலையில், பின்னர் ஏப்ரல் 4ஆம் தேதி குக்கட்பள்ளி போலீசார் FIR பதிவு செய்து, வழக்கை பேகம்பேட் காவல் நிலையத்திற்கு மாற்றினர்.
பின்னர், பெண் அளித்த விரிவான புகாரின் அடிப்படையில், வழக்கு கடுமையான குற்றவியல் வழக்காக மாற்றப்பட்டது. போலீசார் பாரதிய நியாய சன்ஹிதா
சட்டத்தின் பிரிவு 70(1) (கூட்டுப் பாலியல் வன்கொடுமை) மற்றும் பிரிவு 123 (விஷம் மூலம் காயம் ஏற்படுத்துதல்) ஆகியவற்றின் கீழ் வழக்கு பதிவு செய்துள்ளனர்.
நவாஸ், முனாவர், சோஹைல், சின்னு, ஷாருக்கான் மற்றும் இஸ்மாயில் என அடையாளம் காணப்பட்ட 6 பேருக்கு எதிராக வழக்கு பதிவு செய்யப்பட்டுள்ள நிலையில், அவர்கள் அனைவரும் தற்போது தலைமறைவாக உள்ளனர். குற்றவாளிகளை கைது செய்ய போலீசார் தீவிர தேடுதல் நடவடிக்கையில் ஈடுபட்டுள்ளதுடன், இந்த வழக்கில் மேலதிக விசாரணை தொடர்ந்து நடைபெற்று வருகிறது.
Read more: மீண்டும் மீண்டுமா..? விஜய்யின் இன்றைய தேர்தல் பிரச்சாரமும் ரத்து..! அதிருப்தியில் தவெகவினர்..
