கிருஷ்ணகிரி மாவட்ட பகுதியில் உள்ள கீரனப்பள்ளி கிராமத்தில் பெயிண்டர் வேலை செய்து வருகின்ற தமிழரசன் வசித்து வருகிறார். இவரின் மனைவி சந்தியா (21) என்பவரை கடந்த 2 வருடங்களுக்கு திருமணம் செய்து கொண்டார். இந்த தம்பதிக்கு ஒன்றரை வயதில் மதுமிதா என்ற மகள் இருக்கிறாள்.
இந்த நிலையில் தமிழரசனுக்கும், அவரது மனைவி சந்தியாவுக்கும் இடையே அடிக்கடி குடும்ப தகராறு ஏற்பட்டு வந்திருக்கிறது. இதனால் மனமுடைந்த மனைவி கடந்த திங்கட்கிழமை அன்று கணவன் – மனைவி இடையே மீண்டும் பிரச்சினை ஏற்பட்டிருக்கிறது. இதன் காரணமாக வாழ்க்கையில் விரக்தியடைந்த அந்த பெண், கிராமத்தில் உள்ள விவசாய கிணற்றில் குழந்தை மதுமிதாவுடன் குதித்து தற்கொலை செய்து கொள்ள முயன்றுள்ளார்.
இந்த செயலால் குழந்தை நீரில் மூழ்கி பரிதாபமாக உயிரிழந்துள்ளது. இது பற்றி கிராம மக்கள் அளித்த தகவலின் பேரில் சம்பவ இடத்திற்கு வந்த தீயணைப்புத்துறையினர் மற்றும் காவல்துறையினர் கிணற்றில் உயிருக்கு ஆபத்தான நிலையில் சந்தியாவை மீட்டு சிகிச்சைக்காக அரசு மருத்துவமனைக்கு அனுப்பி வைத்தனர்.
இதனையடுத்து குழந்தையை இறந்த நிலையில், உடலை மீட்டு பிரேத பரிசோதனைக்காக அனுப்பி வைத்துள்ளனர். இந்த சம்பவம் குறித்து புகாரின் பேரில் காவல்துறையினர் வழக்கு பதிவு செய்து விசாரனை செய்து வருகின்றனர்.
