I.N.D.I.A கூட்டணியின் நான்காவது கூட்டம் டிசம்பர் 19ம் தேதி டெல்லியில் நடைபெற உள்ளது.
2024 மக்களவைத் தோ்தலில் ஆளும் பாஜகவுக்கு எதிராக எதிா்க்கட்சிகள் ஒருங்கிணைந்து ‘I.N.D.I.A’ என்கிற கூட்டணியை காங்கிரஸ், திமுக, திரிணாமுல் காங்கிரஸ், ஐக்கிய ஜனதா தளம், சமாஜ்வாடி உள்ளிட்ட பிரதான எதிா்க்கட்சிகள் உருவாக்கியுள்ளன. கூட்டணியின் முதல் மூன்று ஆலோசனைக் கூட்டங்கள் பாட்னா, பெங்களூரு, மும்பை ஆகிய நகரங்களில் நடந்தது.
தெலங்கானா, சத்தீஸ்கர், மத்தியப் பிரதேசம், ராஜஸ்தான் மற்றும் மிசோரம் ஆகிய ஐந்து மாநில தேர்தல் முடிவுகள் வெளியான நிலையில், தலைநகா் டெல்லியில் இந்தியா கூட்டணியின் 4-வது கூட்டம் நடைபெறுவதாக காங்கிரஸ் சார்பில் அறிவிக்கப்பட்டது. முக்கிய தலைவர்கள் பங்கு பெற முடியாத சூழல் நிலவியதால் கூட்டம் ஒத்திவைக்கப்பட்டது.
இந்த நிலையில் I.N.D.I.A கூட்டணியின் நான்காவது கூட்டம் டிசம்பர் 19ம் தேதி டெல்லியில் நடைபெற உள்ளது. ஆலோசனைக் கூட்டத்தில் பிரதமர் வேட்பாளர் யார், தொகுதி பங்கீடு, சட்டமன்றத் தேர்தல் தோல்விகள், பிரசாரம், சமூக வலைத்தளங்களில் மக்களிடையே விழிப்புணர்வு போன்ற பல்வேறு விஷயங்கள் விவாதிக்கப்பட உள்ளது.
