மேற்காசிய போர் நெருக்கடி 4-வது வாரத்தில் அடியெடுத்து வைத்துள்ள நிலையில், நாட்டின் தயார்நிலை மற்றும் திட்டங்களை ஆய்வு செய்வதற்காக, பிரதமர் நரேந்திர மோடி நாளை அனைத்து மாநிலங்கள் மற்றும் யூனியன் பிரதேசங்களின் (UT) முதலமைச்சர்களுடன் கலந்துரையாட உள்ளார்.. ‘டீம் இந்தியா’ (Team India) உணர்வின் அடிப்படையில், மேற்கொள்ளப்படும் முயற்சிகளுக்கு இடையே ஒருங்கிணைப்பை உறுதி செய்வதில் இந்தக் கூட்டம் முக்கிய கவனம் செலுத்தும்.
எனினும், சட்டமன்றத் தேர்தல்கள் நடைபெறவுள்ள மாநிலங்கள், தேர்தல் நடத்தை விதிகள் (MCC) அமலில் இருப்பதால், இந்தக் கூட்டத்தில் பங்கேற்காது. ஆனால் அதே நேரத்தில், தேர்தல் நடைபெறவுள்ள அனைத்து மாநிலங்களின் தலைமைச் செயலாளர்களுக்காகத் தனியாக ஒரு கூட்டம் விரைவில் நடத்தப்பட உள்ளது.
மேற்கு வங்கம், தமிழ்நாடு, கேரளா, அசாம் ஆகிய மாநிலங்களிலும், புதுச்சேரி யூனியன் பிரதேசத்திலும் தேர்தல்கள் நடைபெறவுள்ளன என்பது குறிப்பிடத்தக்கது.
கேரளா, அசாம் மற்றும் புதுச்சேரியில் ஏப்ரல் 9-ஆம் தேதியன்று வாக்குப்பதிவு நடைபெறவுள்ள நிலையில், தமிழ்நாட்டில் ஏப்ரல் 23-ஆம் தேதியன்று தேர்தல் நடைபெறும். மறுபுறம், மேற்கு வங்கத்தில் ஏப்ரல் 23 மற்றும் ஏப்ரல் 29 ஆகிய தேதிகளில் இரண்டு கட்டங்களாக வாக்குப்பதிவு நடைபெறும். 5 மாநிலங்களிலும் வாக்கு எண்ணிக்கை மே 4-ஆம் தேதியன்று நடைபெற உள்ளது என்பது குறிப்பிடத்தக்கது.
Read More : ஈரானின் கடற்படைத் தளபதி கொல்லப்பட்டதாக இஸ்ரேல் அறிவிப்பு..! ஹார்முஸ் நீரிணையை மூடியவர் இவர் தான்..!
