இன்றைய காலகட்டத்தில் உடல் ஆரோக்கியத்தைப் பாதுகாக்க, ஆண்-பெண் வேறுபாடின்றி பலரும் உடற்பயிற்சியை தங்களின் தினசரி வாழ்க்கையில் ஒரு பகுதியாக மாற்றியுள்ளனர். உடற்பயிற்சி என்பது உடலை வலுப்படுத்தும் முக்கியமான செயல்முறையாகக் கருதப்படுகிறது.
தினமும் உடற்பயிற்சி செய்வதன் மூலம் உடலில் சேரும் கலோரிகள் எரிந்து, உடல் எடை குறைவதோடு பல்வேறு உடல் நல நன்மைகளும் கிடைக்கின்றன. குறிப்பாக, இதய ஆரோக்கியம் மேம்படுகிறது, நீரிழிவு நோய் அபாயம் குறைகிறது, தசைகள் வலுவடைகின்றன, தூக்கத்தின் தரம் மேம்படுகிறது, மனநிலை சீராகிறது மற்றும் நினைவாற்றலும் அதிகரிக்கிறது.
உடற்பயிற்சிக் கூடங்களில் கடினமான பயிற்சிகள் செய்யும் போது உடல் அதிகமாக வியர்க்கிறது. இதனால் தாகம் அதிகரிப்பதும் இயல்பானதாகும். பொதுவாக, உடற்பயிற்சியின் போது இடையில் தண்ணீர் குடிப்பது உடலுக்கு தேவையான நீர்ச்சத்தை வழங்கி, தசை சேதத்தை குறைக்கவும், தசை வளர்ச்சிக்கு உதவவும் செய்கிறது.
ஆனால், உடற்பயிற்சி முடிந்த உடனே தண்ணீர் குடிப்பது நல்லதல்ல என நிபுணர்கள் எச்சரிக்கின்றனர். ஏன் இந்த எச்சரிக்கை? அப்படி குடித்தால் உடலில் என்ன மாற்றங்கள் ஏற்படும்? என்பதே தற்போது முக்கியமான கேள்வியாக உள்ளது. அதாவது, உடற்பயிற்சிக்குப் பிறகு உடல் மீள்ச்சி நிலையில் இருக்கும் போது தண்ணீர் உட்கொள்வது செரிமானம், எலக்ட்ரோலைட் சமநிலை மற்றும் தசை மீட்பு போன்றவற்றில் தாக்கத்தை ஏற்படுத்தக்கூடும் என மருத்துவர்கள் விளக்குகின்றனர்.
உடற்பயிற்சி செய்த உடனேயே தண்ணீர் குடித்தால் என்ன நடக்கும்?
செரிமானப் பிரச்சனை: உடற்பயிற்சி செய்த உடனேயே அதிக தண்ணீர் குடிப்பதால் செரிமானப் பிரச்சனைகள் ஏற்படலாம். ஏனெனில், தண்ணீர் குடிப்பதால் உடல் வெப்பநிலை குறைகிறது, இது தசை திசுக்களைச் சரிசெய்ய உடலுக்கு உதவுகிறது. இதனால் வயிறு உப்புசம், வயிற்று வலி அல்லது குமட்டல் ஏற்படலாம். எனவே, உடற்பயிற்சிக்குப் பிறகு சிறிது நேரம் கழித்து தண்ணீர் குடிப்பதே சிறந்தது.
எலக்ட்ரோலைட்டுகள் குறைகின்றன: நாம் உடற்பயிற்சி செய்யும்போது, வியர்வை மூலம் தண்ணீரை மட்டுமல்ல, சோடியம், பொட்டாசியம் மற்றும் மெக்னீசியம் போன்ற முக்கியமான எலக்ட்ரோலைட்டுகளையும் இழக்கிறோம். உடற்பயிற்சி செய்த உடனேயே தண்ணீர் குடிப்பதால், உடலில் உள்ள எலக்ட்ரோலைட்டுகள் குறைந்துவிடும். இது தசை வலி, தலைச்சுற்றல் மற்றும் தலைவலிக்கு வழிவகுக்கும். அதனால்தான், உடற்பயிற்சிக்குப் பிறகு எலக்ட்ரோலைட் நிறைந்த உணவுகளையும் ஆற்றல் பானங்களையும் உட்கொள்வது நல்லது.
ஊட்டச்சத்துக்கள் உறிஞ்சப்படுவது குறைதல்: உடற்பயிற்சிக்குப் பிறகு நாம் அதிக தண்ணீர் குடித்தால், நாம் உண்ணும் உணவில் உள்ள ஊட்டச்சத்துக்கள் உடலால் சரியாக உறிஞ்சப்படாது. எனவே, உடற்பயிற்சிக்குப் பிறகு சிறிது நேரம் கழித்து தண்ணீர் குடிப்பது நல்லது.
தசைப் பிரச்சனை: உடற்பயிற்சி செய்த உடனேயே நாம் தண்ணீர் குடித்தால், நமது தசைகள் மீண்டுவர நேரம் கிடைப்பதில்லை. உடற்பயிற்சிக்குப் பிறகு உடல் இயல்பு நிலைக்குத் திரும்ப நேரம் எடுக்கும். இது திசுக்களில் நீர்ச்சத்தை அதிகரித்து, சில சமயங்களில் வீக்கத்தையும் ஏற்படுத்தக்கூடும். உடற்பயிற்சிக்குப் பிறகு தண்ணீர் குடிப்பது தசைகள் மீண்டுவர உதவுகிறது.
இரத்த சர்க்கரை அளவுகளில் ஏற்படும் தாக்கம்: உடற்பயிற்சிக்குப் பிறகு, நமது உடலின் தசைத் திசுக்கள் இன்சுலினுக்கு அதிக உணர்திறன் கொண்டதாக இருக்கும். இந்த நேரத்தில் அதிகமாகத் தண்ணீர் குடிப்பது இரத்தச் சர்க்கரை அளவைப் பாதிக்கக்கூடும். இரத்தச் சர்க்கரை அளவில் அதிகரிப்பு அல்லது குறைவு ஏற்படலாம். எனவே, இரத்தச் சர்க்கரை அளவைச் சமநிலையில் வைத்திருக்க, உடற்பயிற்சிக்குப் பிறகு சிறிது நேரம் கழித்துத் தண்ணீர் குடிப்பது நல்லது.
உடற்பயிற்சிக்குப் பிறகு என்ன சாப்பிட வேண்டும்?
* உடற்பயிற்சிக்குப் பிறகு வாழைப்பழங்களைச் சாப்பிடுங்கள், ஏனெனில் இந்தப் பழம் உங்கள் தசைகளைத் தூண்டி, உடலுக்குத் தேவையான ஆற்றலை உடனடியாக வழங்க உதவுகிறது.
* உடற்பயிற்சிக்குப் பிறகு முளைக்கட்டிய தானியங்களைச் சாப்பிடலாம். இது உடலை வலுவாகவும் சுறுசுறுப்பாகவும் வைத்திருக்கும்.
* அதேபோல், உடற்பயிற்சிக்குப் பிறகு உலர் பழங்களைச் சாப்பிடுவது நல்லது, ஏனெனில் அவற்றில் உடலுக்குத் தேவையான புரதமும் கொழுப்பு அமிலங்களும் உள்ளன. உதாரணமாக, ஊறவைத்த பாதாம் மற்றும் வால்நட்.
* உடற்பயிற்சிக்குப் பிறகு ஒரு கப் தயிர் சாப்பிடுவது நல்லது, ஏனெனில் அது உடலில் வளர்சிதை மாற்றத்தைத் தூண்டுவதோடு மட்டுமல்லாமல், உடற்பயிற்சிக்குப் பிறகு நமது தசைகளுக்குப் போதுமான ஆற்றலையும் வழங்குகிறது.
Read more: மாடிப்படி ஏறும்போது முழங்கால் வலியா..? அசால்டா விட்டா ஆபத்து..! எச்சரிக்கும் மருத்துவர்கள்..
