கள்ளக்காதல் விவகாரத்தில் கணவனை கொலை செய்து, அந்த மரணத்தை இயற்கையானதாகக் காட்ட முயன்ற சம்பவம் உத்தரப் பிரதேச மாநிலம் மீரட்டில் பரபரப்பை ஏற்படுத்தியுள்ளது. திருமணமாகி மூன்று மாதங்களே ஆன நிலையில் நடந்த இந்தக் கொலையில், இளம்பெண்ணும் அவரது கள்ளக்காதலனும் கைது செய்யப்பட்டுள்ளனர்.
மீரட்டைச் சேர்ந்த இளைஞருக்கு கடந்த மூன்று மாதங்களுக்கு முன்பு திருமணம் நடைபெற்றது. திருமணத்துக்கு முன்பே அந்தப் பெண்ணுக்கு மற்றொரு நபருடன் காதல் தொடர்பு இருந்துள்ளது. திருமணத்திற்குப் பிறகும் அந்த உறவை அவர் கைவிடவில்லை.
கணவர் வேலைக்குச் செல்லும் நேரங்களில் கள்ளக்காதலனை சந்தித்து வந்த அந்தப் பெண், பின்னர் வீட்டுக்குத் திரும்பி கணவருடன் வழக்கம்போல் குடும்பம் நடத்தி வந்துள்ளார். இவ்வாறு ஒரே நேரத்தில் இரு வாழ்க்கையை நடத்தி வந்த நிலையில், மனைவியின் நடவடிக்கைகளில் கணவருக்கு சந்தேகம் ஏற்பட்டுள்ளது.
கள்ளக்காதல் தொடர்பாக கணவன் மனைவிக்குள் தகராறு ஏற்பட்டுள்ளது. இந்தப் பிரச்சினை தீவிரமடைந்த நிலையில், கணவரை கொலை செய்ய மனைவியும் அவரது கள்ளக்காதலனும் முடிவு செய்துள்ளனர்.
திட்டமிட்டபடி கணவரை அறைக்குள் அழைத்துச் சென்ற இருவரும் அவரை சரமாரியாக தாக்கியுள்ளனர். இதில் பலத்த காயமடைந்த அவர் உயிரிழந்தார். பின்னர் சம்பவத்தை இயற்கை மரணம் அல்லது விபத்து போல் காட்டுவதற்கான முயற்சியில் இருவரும் ஈடுபட்டுள்ளனர்.
சம்பவம் குறித்து தகவல் கிடைத்ததும் காவல்துறையினர் வீட்டுக்குச் சென்றனர். உயிரிழந்தவரின் உடலில் காணப்பட்ட காயங்கள் சந்தேகத்தை ஏற்படுத்தியதால், மரணம் தொடர்பான விசாரணை தீவிரப்படுத்தப்பட்டது.
மனைவியிடம் நடத்தப்பட்ட விசாரணை மற்றும் கிடைத்த ஆதாரங்களின் அடிப்படையில் கள்ளக்காதல் தொடர்பான தகவல்கள் காவல்துறையின் கவனத்துக்கு வந்தன. தொடர்ந்து கள்ளக்காதலனிடமும் விசாரணை நடத்தப்பட்டது.
இறுதியில் கணவரின் கொலைக்கு இருவரும் திட்டமிட்டு செயல்பட்டது உறுதியானதை அடுத்து, மனைவியையும் அவரது கள்ளக்காதலனையும் காவல்துறையினர் கைது செய்தனர். இருவரிடமும் தொடர்ந்து விசாரணை நடைபெற்று வருகிறது.
திருமணமாகி மூன்று மாதங்களுக்குள் கள்ளக்காதல் விவகாரம் கணவரின் கொலையில் முடிந்த சம்பவம் மீரட்டில் அதிர்ச்சியை ஏற்படுத்தியுள்ளது.
Also Read: ஆண் நண்பருடன் வீடியோ வெளியிட்ட இளம்பெண்.. அடுத்து நடந்த அதிர்ச்சி சம்பவம்!
