தமிழ் திரையுலகின் நட்சத்திர தம்பதிகளான சூர்யா மற்றும் ஜோதிகா, 1999-இல் வெளியான ‘பூவெல்லாம் கேட்டுப்பார்’ திரைப்படத்தின் போது சந்தித்து, பின்னர் காதல் திருமணம் செய்து கொண்டனர். இவர்களுக்கு தியா, தேவ் ஆகிய இரண்டு குழந்தைகள் உள்ளனர். நடிப்பிலும் தயாரிப்பிலும் கலக்கி வரும் இத்தம்பதியின் மொத்த சொத்து மதிப்பு சுமார் ₹681 கோடி என ஊடக அறிக்கைகள் தெரிவிக்கின்றன.
சம்பளம் மற்றும் வருமானம்: சூர்யாவின் தனிப்பட்ட சொத்து மதிப்பு சுமார் ₹350 கோடி என மதிப்பிடப்பட்டுள்ளது. இவர் திரைப்படங்கள், பிராண்ட் விளம்பரங்கள் மற்றும் ‘2D என்டர்டெயின்மென்ட்’ தயாரிப்பு நிறுவனம் மூலம் பெருமளவு வருவாய் ஈட்டுகிறார். ‘கங்குவா’ படத்திற்காக இவர் ரூ.30 கோடி சம்பளம் பெற்றதாகக் கூறப்படுகிறது.
ஜோதிகாவின் சொத்து மதிப்பு சுமார் ரூ.331 கோடி எனக் கூறப்படுகிறது. இவர் ஒரு திரைப்படத்திற்கு ரூ.5 கோடி வரை சம்பளமாகப் பெறுகிறார்.
தயாரிப்பு நிறுவனம் (2D Entertainment): 2013-இல் சூர்யா – ஜோதிகா தம்பதியால் தொடங்கப்பட்ட ‘2D என்டர்டெயின்மென்ட்’ நிறுவனம் மூலம் 24, கடைக்குட்டி சிங்கம், மகளிர் மட்டும், பசங்க 2, சூரரைப் போற்று, ஜெய் பீம் போன்ற வெற்றிப் படங்கள் தயாரிக்கப்பட்டுள்ளன.
வீடுகள் மற்றும் அசையாச் சொத்துகள்: சென்னை மகாலிங்கபுரத்தில் அமைந்துள்ள இவர்களது சொகுசு பங்களாவின் மதிப்பு ரூ.200 கோடி என மதிப்பிடப்பட்டுள்ளது. தற்போது குடும்பத்துடன் மும்பையில் வசித்து வரும் இவர்களின் ஆடம்பர அபார்ட்மெண்ட்டின் மதிப்பு ரூ.70 கோடி ஆகும்.
சொகுசு கார்களின் பட்டியல்: இவர்களது காரேஜில் பிஎம்டபிள்யூ 7 சீரிஸ் (ரூ.1.38 கோடி), ஆடி Q7 (ரூ.80 லட்சம்), மெர்சிடிஸ் பென்ஸ் (ரூ.61 லட்சம்), ஜாகுவார் XJ L (ரூ.1.10 கோடி), ரேஞ்ச் ரோவர் வோக் (ரூ.2.48 – ரூ.2.75 கோடி) உள்ளிட்ட பல உயர் ரக சொகுசு கார்கள் உள்ளன.
