ரயில்வே துறையின் கீழ் நாடு முழுவதும் உள்ள அனைத்து ரயில்வே மண்டலங்களிலும் தொழில்நுட்ப வல்லுநர் (Technician) பணியிடங்களை நிரப்புவதற்கான முழுமையான அறிவிப்பை ரயில்வே ஆட்சேர்ப்பு வாரியம் (RRB) வெளியிட்டுள்ளது. இந்த அறிவிப்பின் மூலம் மொத்தம் 6,557 பணியிடங்கள் நிரப்பப்பட உள்ளன. இதில் 323 ‘டெக்னீஷியன் கிரேடு 1 சிக்னல்’ (Technician Grade 1 Signal) பணியிடங்களும், 6,565 ‘கிரேடு 3’ (Grade 3) பணியிடங்களும் அடங்கும். தகுதியுள்ள விண்ணப்பதாரர்கள் ஜூன் 30, 2026 முதல் ஆன்லைனில் விண்ணப்பிக்கலாம்.
இப்பணியிடங்கள் டிராக் மெஷின் (Track Machine), பாலம் (Bridge), டீசல் எலக்ட்ரிக்கல்/மெக்கானிக்கல், எலக்ட்ரிக்கல்/மெக்கானிக்கல், எலக்ட்ரிக்கல்/TRS, EMU, ஃபிட்டர் (Fitter), வெல்டர் (Welder), தச்சர் (Carpenter) போன்ற பிரிவுகளில் நிரப்பப்படும். பணிக்குத் தேர்ந்தெடுக்கப்படுவது ஆன்லைன் எழுத்துத் தேர்வின் அடிப்படையில் அமையும். பிற விவரங்களை கீழே காணலாம்.
‘டெக்னீஷியன் கிரேடு 1 சிக்னல்’ பணியிடங்களுக்கு, விண்ணப்பதாரர்கள் B.Sc அல்லது ஏதேனும் ஒரு பட்டப்படிப்பு அல்லது டிப்ளமோ (Diploma) தேர்ச்சி பெற்றிருக்க வேண்டும். ‘டெக்னீஷியன் கிரேடு 3’ பணியிடங்களுக்கு, 10-ஆம் வகுப்பு, ITI, B.Sc, பட்டப்படிப்பு அல்லது டிப்ளமோ தேர்ச்சி பெற்றவர்கள் விண்ணப்பிக்கலாம். வயது வரம்பு: ‘டெக்னீஷியன் கிரேடு 1’ பணியிடங்களுக்கு 18 முதல் 33 வயது வரையிலும், ‘டெக்னீஷியன் கிரேடு 3’ பணியிடங்களுக்கு 18 முதல் 30 வயது வரையிலும் இருக்க வேண்டும். தகுதியுடையவர்கள் ஜூலை 29, 2026-க்குள் ஆன்லைனில் விண்ணப்பிக்கலாம்.
விண்ணப்பக் கட்டணமாக, பொதுப் பிரிவினர் ரூ. 500-ம், SC/ST/முன்னாள் ராணுவத்தினர்/மாற்றுத்திறனாளிகள் (PWBD)/பெண்கள்/திருநங்கைகள்/EBC பிரிவினர் ரூ. 250-ம் செலுத்த வேண்டும். கணினி வழித் தேர்வில் (CBT) பங்கேற்பவர்களுக்கு ரூ. 400 வரை (வங்கி கட்டணங்கள் நீங்கலாக) கட்டணம் திரும்ப வழங்கப்படும். விண்ணப்பதாரர்களின் இறுதித் தேர்வு, ஆன்லைன் எழுத்துத் தேர்வு மற்றும் மருத்துவப் பரிசோதனை ஆகியவற்றின் அடிப்படையில் அமையும்.
தேர்வு முறை
கணினி வழித் தேர்வானது மொத்தம் 90 நிமிடங்களில் 100 கேள்விகளைக் கொண்டிருக்கும். பொது விழிப்புணர்வு (10 கேள்விகள், 10 மதிப்பெண்கள்), பொது நுண்ணறிவு மற்றும் பகுத்தறிவு (15 கேள்விகள், 15 மதிப்பெண்கள்), அடிப்படை கணினி மற்றும் பயன்பாடுகள் (20 கேள்விகள், 20 மதிப்பெண்கள்), கணிதம் (20 கேள்விகள், 20 மதிப்பெண்கள்), அடிப்படை அறிவியல் மற்றும் பொறியியல் (35 கேள்விகள், 35 மதிப்பெண்கள்) ஆகிய தலைப்புகளில் கேள்விகள் கேட்கப்படும். ஒவ்வொரு தவறான பதிலுக்கும் 1/3 மதிப்பெண் குறைக்கப்படும்.
முக்கியமான தேதிகள்
ஆன்லைன் விண்ணப்பம் தொடங்கும் தேதி: ஜூன் 30, 2026.
ஆன்லைன் விண்ணப்பத்திற்கான கடைசி தேதி: ஜூலை 2, 2026.
கட்டணம் செலுத்துவதற்கான கடைசி தேதி: ஜூலை 31, 2026.
விண்ணப்பத் திருத்தத்திற்கான தேதிகள்: ஆகஸ்ட் 1 முதல் 10 வரை.
எழுத்துத் தேர்வு தேதிகள்: விரைவில் அறிவிக்கப்படும்.
