ஆசிய விளையாட்டு நிறைவு!. இலங்கை முதல் பாகிஸ்தான் வரை… கிரிக்கெட், கபடி, ஹாக்கியில் ஆல்-ரவுண்ட் ஆதிக்கம் செலுத்திய இந்தியா!. சாதனை பயணம்!.

ஆசிய விளையாட்டுப் போட்டிகள் நிறைவடைந்த நிலையில், பதக்கப் பட்டியலில் இந்தியா ஒட்டுமொத்தமாக 4-வது இடத்தைப் பிடித்து சாதனை படைத்துள்ளது. இப்போட்டித் தொடரில் இந்திய வீராங்கனைகளும் வீரர்களும் மொத்தம் 85 பதக்கங்களை வென்று அசத்தியுள்ளனர்.

போட்டியின் தொடக்கத்தில் துப்பாக்கி சுடுதல் போட்டியில் இந்திய அணி எதிர்பார்த்த அளவுக்குச் சோபிக்கத் தவறி வெளியேறியது. இருப்பினும், வில்வித்தை, மல்யுத்தம் மற்றும் தடகளப் போட்டிகளில் இந்திய வீராங்கனைகளும் வீரர்களும் மிகச் சிறப்பான திறமையை வெளிப்படுத்தி பதக்கங்களை அள்ளிக் குவித்தனர்.

இந்திய அணி தனது முதல் தங்கப் பதக்கத்தை மகளிர் கிரிக்கெட் போட்டியில் கைப்பற்றியது. இறுதிப்போட்டியில் இலங்கை அணியை வீழ்த்தி மகளிர் கிரிக்கெட் அணி தங்கம் வென்றது. அதைத் தொடர்ந்து குத்துச்சண்டை மற்றும் மல்யுத்தப் போட்டிகளில் லவ்லினா போர்கோஹெய்ன், பர்வீன் ஹூடா, அங்குஷ் பங்கால், சுஜீத் கல்கல் உள்ளிட்ட பல வீரர்கள் தங்கப் பதக்கங்களை வென்று நாட்டிற்குப் பெருமை சேர்த்தனர்.

மேலும், ஆடவர் கிரிக்கெட் இறுதிப்போட்டியில் பாகிஸ்தான் அணியை வீழ்த்தி இந்திய ஆடவர் கிரிக்கெட் அணி தங்கப் பதக்கத்தைக் கைப்பற்றியது . கபடி போட்டியில் ஆடவர் மற்றும் மகளிர் என இரு பிரிவுகளிலுமே இந்திய அணிகள் தங்கப் பதக்கங்களை வென்றன. அதேபோல், ஹாக்கிப் போட்டியிலும் ஆடவர் மற்றும் மகளிர் இந்திய அணிகள் தங்கப் பதக்கத்தைக் கைப்பற்றி அசத்தின.

இத்தொடரில் மற்றொரு சிறப்பம்சமாக, வித்யா ராம்ராஜ் 42 ஆண்டுகளாக முறியடிக்கப்படாமல் இருந்த பி.டி. உஷாவின் தேசிய சாதனையை முறியடித்து இந்தியாவிற்குப் பல பதக்கங்களைப் பெற்றுத் தந்தார். 15 நாட்கள் நடைபெற்ற இந்த ஆசிய விளையாட்டுப் போட்டியின் முடிவில், இந்தியா 21 தங்கம், 27 வெள்ளி, மற்றும் 37 வெண்கலம் என மொத்தம் 85 பதக்கங்களுடன் 4-வது இடத்தில் நிறைவு செய்தது.

ஆசிய விளையாட்டு; இறுதிப் பதக்கப் பட்டியல்:

சீனா: 169 தங்கம், 89 வெள்ளி, 83 வெண்கலம் (மொத்தம்: 341)

ஜப்பான்: 83 தங்கம், 95 வெள்ளி, 91 வெண்கலம் (மொத்தம்: 269)

கொரியா: 39 தங்கம், 43 வெள்ளி, 68 வெண்கலம் (மொத்தம்: 150)

இந்தியா: 21 தங்கம், 27 வெள்ளி, 37 வெண்கலம் (மொத்தம்: 85)

உஸ்பெகிஸ்தான்: 21 தங்கம், 25 வெள்ளி, 24 வெண்கலம் (மொத்தம்: 70)

ஈரான்: 19 தங்கம், 18 வெள்ளி, 15 வெண்கலம் (மொத்தம்: 52)

தாய்லாந்து: 18 தங்கம், 13 வெள்ளி, 21 வெண்கலம் (மொத்தம்: 52)

கஜகஸ்தான்: 12 தங்கம், 24 வெள்ளி, 48 வெண்கலம் (மொத்தம்: 84)

ஹாங்காங், சீனா: 11 தங்கம், 19 வெள்ளி, 24 வெண்கலம் (மொத்தம்: 54)

பஹ்ரைன்: 11 தங்கம், 5 வெள்ளி, 6 வெண்கலம் (மொத்தம்: 22)