கேரள மாநிலம் இடுக்கி மாவட்டத்தில், மறையூர் அருகே செவ்வாய்க்கிழமை அதிகாலை நெடுஞ்சாலையின் நடுவே யானை ஒன்று தன் குட்டியை ஈன்றது. இதன் காரணமாக, தமிழ் நாடு மற்றும் கேரளாவை இணைக்கும் இடுக்கி மாவட்டத்தில் உள்ள மறையூர் வழியாக செல்லும் நெடுஞ்சாலையில் சுமார் ஒரு மணி நேரம் போக்குவரத்து தடைபட்டது.
கருவுற்றிருந்த யானை ஒன்று, பிரசவ வலி ஏற்பட்டதும், பிளிறலுடன் மரையூர் சாலைப் பகுதிகுகு வந்துள்ளது. பிளிறிக் கொண்டே யானை வந்ததால் வாகனங்களை ஓட்டு வந்தவர்கள் தொலைவிலேயே வாகனங்களை நிறுத்தி விட்டனர். இந்நிலையில் பிரசவ நேரம் நெருங்கியதால் நடுரோட்டிலேயே நிறைமாத யானை நடு ரோட்டிலேயே குட்டியை ஈன்றது இந்த சூழ்நிலையால் அந்தத் தாயானகி பாதுகாப்பாக யானை கூட்டம் ஒன்றாக கூடி சாலை மறித்து இருபுறமும் வாகனங்கள் செல்லாமல் தடுத்து நின்றன இதனால் அந்த தாய் யானை தன் குட்டியை மிகவும் பாதுகாப்பாக ஈன்றது.
புதிதாகப் பிறந்த குட்டியும் அதன் தாயும் மெதுவாக அருகிலுள்ள காட்டுக்குள் சென்ற பிறகு, அந்த யானை கூட்டம் அங்கிருந்து நகர்ந்தது காட்டுக்குள் சென்றது. இந்த அழகிய சம்பவத்தின் போது வாகன ஓட்டிகள் பொறுமையாக அமைதியுடன் காத்திருந்தனர். எந்த வண்டியும் அவசரம் காட்டவோ, ஒலி எழுப்பி யானை கூட்டத்தை கலைக்கவோ முயற்சிக்கவில்லை. இது பற்றி வனத்துறையினர் கூறுகையில், இது போன்ற சம்பவங்கள் வனப்பகுதி மற்றும் அதை சுற்றியுள்ள பகுதிகளில் அடிக்கடி நடக்கின்றன என்றனர்.
