புதுச்சேரி மாநிலத்தில் கனமழையால் ஏற்பட்ட வெள்ளப்பெருக்கால் ஏனாம் மாவட்டத்தில் நாளை பள்ளிகளுக்கு விடுமுறை அறிவிக்கப்பட்டுள்ளது..
நாடு முழுவதும் பருவமழை தீவிரமடைந்துள்ளது.. மகராஷ்டிரா, அசாம், டெல்லி, ஹிமாச்சல் பிரதேசம் உள்ளிட்ட பல மாநிலங்களில் கனமழை கொட்டி தீர்த்து வருகிறது.. இதே போல் கர்நாடகா, கேரளா, புதுச்சேரி போன்ற தென் மாநிலங்களிலும் இடைவிடாது மழை பெய்து வருகிறது. சாலைகளில் தண்ணீர் தேங்கியுள்ளதாலும், தாழ்வான பகுதிகளில் வெள்ள்நீர் புகுந்துள்ளதாலும், பொதுமக்களின் இயல்பு வாழ்க்கை முடங்கி உள்ளது..
அந்த வகையில் புதுச்சேரி கடந்த 2 நாட்களாக தொடர்ந்து கனமழை பெய்து வருகிறது.. இதனால் கோதாவரி ஆற்றில் வெள்ளப்பெருக்கு ஏற்பட்டுள்ளதால் 14 கிராமங்களுக்கு வெள்ள அபாய எச்சரிக்கை விடுக்கப்பட்டுள்ளது.. மேலும் தாழ்வான பகுதிகளில் வசிக்கும் மக்கள் பாதுகாப்பான இடங்களுக்கு செல்ல அறிவுறுத்தப்பட்டுள்ளது.. மேலும் மக்களின் உதவிக்காக கட்டுப்பாட்டு அறையும் அமைக்கப்பட்டுள்ளது..
இந்நிலையில் புதுச்சேரி மாநிலத்தில் கனமழையால் ஏற்பட்ட வெள்ளப்பெருக்கால் ஏனாம் மாவட்டத்தில் நாளை பள்ளிகளுக்கு விடுமுறை அறிவிக்கப்பட்டுள்ளது.. கோதாவரி ஆற்றில் ஏற்பட்ட வெள்ளப்பெருக்கால் நீர்மட்டம் தொடர்ந்து நீர்மட்டம் அதிகரித்து வருகிறஹ்டு.. எனவே மாணவர்களின் பாதுகாப்பு கருதி, நாளை பள்ளிகளுக்கு விடுமுறை அளிக்கப்பட்டுள்ளது.. மேலும் நாளைய விடுமுறைக்கு பதில் ஆகஸ்ட் 13-ம் தேதி பள்ளிகள் வழக்கம் போல் செயல்படும் எனவும் ஏனாம் மாவட்ட நிர்வாகம் தெரிவித்துள்ளது..
