கேரளாவின் கொச்சி அறிவியல் மற்றும் தொழில்நுட்ப பல்கலைக்கழகத்தில் மாதவிடாய் விடுமுறை அறிவிக்கப்பட்டுள்ளது
ஒரு மாதத்தில் மூன்று முதல் நான்கு நாட்கள் மாணவிகளுக்கு மாதவிடாய் நாட்களாகும். அப்போது மாணவிகளின் உடல்நிலையில் ஏற்ற இறக்கங்கள் ஏற்பட வாய்ப்புள்ளது. இதனால் மாணவிகள் கல்லூரி வரமுடியாது சூழல் உருவாக்குகிறது. இதை கருத்தில் கொண்டு கேரளாவின் கொச்சி அறிவியல் மற்றும் தொழில்நுட்ப பல்கலைக்கழகத்தில் மாதவிடாய் விடுமுறை அறிவிக்கப்பட்டுள்ளது.
கல்லூரியில் படிக்கும் மாணவர்களுக்கு வழக்கமான பருவத்தேர்வில் தேர்ச்சி பெற மாணவர்கள் 75% வருகைப் பதிவு பெறுவது அவசியம். ஆனால், கொச்சி அறிவியல் மற்றும் தொழில்நுட்ப பல்கலைக்கழகத்தில் படிக்கும் பெண்களுக்கு 73% சதவீத வருகைப் பதிவு இருந்தாலே போதுமானது என்று பல்கலைக்கழகம் தெரிவித்துள்ளது.
கல்லூரியில் பொதுவாக 75% வருகைப்பதிவு உள்ளவர்களே, இறுதி பருவத்தேர்வை எழுத தகுதியானவர்கள். இதனிடையே, உடல் நலக்குறைவால் விடுமுறை எடுப்பவர்கள் அதற்கு தகுந்த மருத்துவ சான்றிதழை வழங்கி அதற்கான அப்பருவத்தேர்வை எழுத தகுதி பெறும் வாய்ப்புள்ளது. இதில், மாணவிகளுக்கு மாதவிடாய் விடுமுறை எடுக்க வாய்ப்பளித்து கூடுதலாக, 2% சதவீதம் தளர்வு அளித்துள்ளது. இதனால், மாணவிகளுக்கு பருவத்தேர்வு எழுத 73% இருந்தாலே போதுமானது. இந்த அறிவிப்பு மாணவிகள் மத்தியில் பெரும் வரவேற்பை பெற்றுள்ளது.
