6 ஆம் வகுப்பு முதல் 10ஆம் வகுப்பு வரை கற்பிக்கும் ஆசிரியர்களுக்கு அக்டோபர் மாதத்திற்கான பணித்திறன் மேம்பாட்டு பயிற்சி (CRC) – SCERT இயக்குநரின் செயல்முறைகள் வெளியிட்டுள்ளது.
மாநிலக் கல்வியியல் ஆராய்ச்சி மற்றும் பயிற்சி நிறுவனம் மற்றும் ஒருங்கிணைந்த பள்ளிக் கல்வி இணைந்து ஆசிரியர்களுக்கு பல்வேறு பணித்திறன் மேம்பாட்டுப் பயிற்சிகள் 2023-2024 ஆம் கல்வியாண்டிற்கு மாதந்தோறும் திட்டமிட்டு நடத்தப்பட்டு வருகிறது. இந்நிலையில் அதன் ஒரு பகுதியாக அரசுப் பள்ளி ஆசிரியர்களுக்கு நடத்தி வரப்படும் (CRC) பயிற்சியானது 6 முதல் 8 ஆம் வகுப்பு கற்பிக்கும் ஆசிரியர்களுக்கு திறன் மேம்பாட்டு பயிற்சியாக மாநில அளிவில் 09.10.2023 & 10.10.2023 ஆகிய நாட்களிலும் மாவட்ட அளவில் 12.10.2023 & 13.10.2023 ஆகிய நாட்களிலும் மற்றும் வட்டார அளவில் 16.10.2023, 17.10.2023 & 18.10.2023 ஆகிய தேதிகளில் நடத்தப்பட வேண்டும்.
மேலும், 9 மற்றும் 10 ஆம் வகுப்பு கற்பிக்கும் ஆசிரியர்களுக்கான பணித்திறன் மேம்பாட்டு பயிற்சியானது மாநில அளவில் 16.10.2023 & 17.10.2023 ஆகிய நாட்களிலும் மாவட்ட அளவில் 19.10.2023 & 20.10.2023 ஆகிய இரு நாட்களிலும் மற்றும் வட்டார அளவில் 25.10.2023, 26.10.2023 & 27.10.2023 ஆகிய தேதிகளில் நடத்தப்பட வேண்டும். இப்பயிற்சியில் மதிப்பீடு. வாசிப்பு இயக்கம் மற்றும் சிறார் இதழ்கள் குறித்த பொருண்மைகளில் பயிற்சியினை அளித்தல் வேண்டும் என தெரிவிக்கப்பட்டுள்ளது
