கர்நாடக மாநிலத்தில் பணத்திற்காக இளம் பெண் ஒருவர் 4 பேரை திருமணம் செய்த சம்பவம் அதிர்ச்சியையும் பரபரப்பையும் ஏற்படுத்தி இருக்கிறது. இந்த சம்பவம் தொடர்பாக காவல்துறையினர் விசாரணை நடத்தி வருகின்றனர்.
கர்நாடக மாநிலத்தைச் சேர்ந்த பெண் ஒருவர் பிரசாந்த் என்ற இளைஞரை கடந்த இரண்டு ஆண்டுகளுக்கு முன்பு திருமணம் செய்து இருக்கிறார். இந்நிலையில் தான் கருவுற்று இருப்பதாக கணவரிடம் கூறிய அந்தப் பெண் தனது தாய் வீட்டிற்கு செல்வதாகவும் தெரிவித்திருக்கிறார். இதனைத் தொடர்ந்து நீண்ட நாட்களாகியும் அந்த பெண் திரும்ப வராததால் இது தொடர்பாக பிரசாந்த் காவல் நிலையத்தில் புகார் தெரிவித்துள்ளார்.
இந்த புகாரை தொடர்ந்து காவல்துறையின் விசாரணையில் பல சம்பவங்கள் வெளியாகி அனைவரையும் அதிர்ச்சி அடைய செய்திருக்கிறது. குறித்த பெண் ஏற்கனவே இரண்டு பேரை திருமணம் செய்துள்ள நிலையில் மூன்றாவதாக பிரசாந்தை ஏமாற்றி திருமணம் செய்திருப்பதும் காவல்துறை விசாரணையில் தெரிய வந்திருக்கிறது. மேலும் இவர் நான்காவது ஒரு இளைஞரை திருமணம் செய்ய முடிவு செய்திருந்த தகவலும் வெளியாகி இருக்கிறது.
திருமணமான அனைத்து நபர்களிடமும் பணம் மற்றும் வசதிகளை அனுபவித்துவிட்டு அதன் பிறகு அவர்களிடம் இருந்து தலைமறைவாகி வேறொரு நபரை திருமணம் செய்து வந்ததும் விசாரணையில் தெரிய வந்திருக்கிறது. இந்நிலையில் தலைமறைவாக இருக்கும் அந்தப் பெண்ணை காவல்துறையினர் தீவிரமாக தேடி வருகின்றனர்.
