இந்து தர்மத்திலும், ஆன்மீக சாஸ்திரத்திலும் தினமும் வீட்டில் விளக்கேற்றி இறைவனை வழிபடுவது அதிர்ஷ்டத்தையும் நேர்மறை ஆற்றலையும் தரும் மிக முக்கியமான வழிபாட்டு முறையாக கருதப்படுகிறது. இருப்பினும், சாஸ்திர விதிகளின்படி சில குறிப்பிட்ட சூழல்களிலும் நாட்களிலும் வீடுகளில் தீபமேற்றுவதை தவிர்க்க வேண்டும் என்று ஆன்மீக பெரியோர்கள் சுட்டிக்காட்டுகின்றனர்.
குறிப்பாக, உறவினர்கள் அல்லது பங்காளிகளின் குடும்பங்களில் இறப்பு சம்பவிக்கும் பட்சத்தில், அதற்கான இறுதி சடங்குகள் மற்றும் காரியங்கள் நிறைவடையும் வரை வீடுகளில் விளக்கேற்றி வழிபாடு செய்யக்கூடாது. அதேபோல, ரத்த பந்தங்கள் அல்லது பங்காளிகள் குடும்பத்தில் குழந்தை பிறந்திருந்தாலும் ‘புண்ணியாவாசனம்’ (புண்ணிய தானம்) சடங்கு செய்து முடிக்கும் காலம் வரை விளக்கேற்றுவதை தவிர்க்க வேண்டும் என்று அறிவுறுத்தப்படுகிறது.
பிறப்பு தொடர்பான காலம் ‘சுப தீட்டு’ என கருதப்பட்டாலும், குடும்ப பழக்கவழக்கத்திற்கு ஏற்ப வழக்கமாக 7 நாட்கள் அல்லது பத்தாம் நாள் புண்ணியாவாசனம் செய்யப்படும் வரை இந்த தீட்டு காலம் நடைமுறையில் இருக்கும். இத்தகைய தீட்டு நாட்களில் வீடுகளில் விளக்கேற்றுவது லட்சுமி கடாட்சம் விலகுவதற்கும், எதிர்மறை ஆற்றல் பெருகுவதற்கும் வழிவகுக்கும் என்பதால், இந்த தினங்களில் விளக்கேற்றுவதை தவிர்த்து சாஸ்திர சம்பிரதாயங்களை பின்பற்றுவதே குடும்பத்திற்கு சுபிட்சத்தை தரும் என ஆன்மீக சாஸ்திரங்கள் வலியுறுத்துகின்றன.
Read More : TN Budget | ஒரு ரூபாய் கணக்கு..!! தமிழக அரசுக்கு கிடைக்கும் வருமானமும்.. செலவுகளும்..!!
