எலுமிச்சை சாற்றை பிழிந்து, பெரும்பாலும் தோலை நிராகரிக்கிறோம். எலுமிச்சம் பழச்சாற்றைப் போலவே இதன் தோலிலும் பல நன்மைகள் உள்ளன. அதிலிருக்கும் நன்மைகளை பற்றி இங்கே காணலாம்.
எலுமிச்சை தோலில் வைட்டமின்கள், தாதுக்கள் மற்றும் பிற நன்மை பயக்கும் பொருட்கள் நிறைந்துள்ளன. இந்த பொருட்கள் பற்கள் மற்றும் எலும்புகளை வலிமையாக்குகின்றன, உடலின் குருத்தெலும்புகள், தசைநார்கள் மற்றும் ஹார்மோன் சுரப்பிகள் சரியாக செயல்பட உதவுகின்றன.
மேலும் இரத்த நாளங்களின் நெகிழ்வுத்தன்மை மற்றும் இதய தாளத்தை மேம்படுத்துகின்றன. எலுமிச்சை தோலிலிருந்து கிடைக்கும் எண்ணெயில் டி-லைமோனீன் (D-Limonene) என்ற ஆன்டிஆக்ஸிடன்ட் அதிக அளவில் இருக்கிறது. இது, பெருங்குடல், மார்பகப் புற்றுநோய் வராமல் தடுக்க உதவும். இதிலுள்ள வைட்டமின் சி ஆன்டிஆக்ஸிடன்ட், புற்றுநோய், இதய நோய், மூட்டுவலிக்கு வழிவகுக்கும் `ஃப்ரீ ரேடிகல்கள்’ (Free Radicals) உருவாகாமல் தடுத்து நிறுத்தும்.
எலுமிச்சைத் தோலின் சாறு, காயங்களைக் குணப்படுத்த உதவும். சர்க்கரை நோயாளிகளுக்குக் காயம் ஏற்பட்டால், மெதுவாகத்தான் குணமாகும். ஆனால் எலுமிச்சை தோலின் சாற்றைச் சர்க்கரைநோயாளிகளின் காயங்களில் நேரடியாகத் தடவினால், காயம் சீக்கிரம் குணமாகும்’ என்று கூறப்படுகிறது. எலுமிச்சை தோலில் ஆன்டி-மைக்ரோபியல் பண்புகள் உள்ளன, இது முகப்பரு வராமல் தடுக்க உதவும். எலுமிச்சை தோல் மற்றும் புதினாவை அரைத்து முகத்தில் தடவினால் முகம் பளப்பளப்பாக காணப்படும். எலுமிச்சைத் தோல் எண்ணெய் சருமத்தைச் சுத்தப்படுத்த உதவும், புதினா இலை முகத்தைப் பொலிவாக்க உதவும்.
