பிரபல பாலிவுட் ஜோடிகளான கியாரா அத்வானி மற்றும் சித்தார்த் மல்ஹோத்ரா தம்பதியினர் மீண்டும் பெற்றோகவுள்ள மகிழ்ச்சியான செய்தியை வெளியிட்டுள்ளனர். இவர்களின் மூத்த மகள் சராயா மல்ஹோத்ரா (Saraayah Malhotra) விரைவில் அக்கா ஆக போகிறார்.
சமூக வலைதளம் வாயிலாக இந்தச் செய்தியைப் பகிர்ந்துள்ள அவர்கள், “எங்களுக்கு மீண்டும் ஒருமுறை உலகின் மிகப்பெரிய வரம் கிடைத்துள்ளது. எங்கள் இதயங்கள் அன்பாலும் நன்றியுணர்விலும் நிறைந்துள்ளன” என்று பதிவிட்டுள்ளனர். மேலும், தங்கள் மகள் சராயாவுடன் இணைந்து சிறிய அளவிலான குழந்தை காலுறைகளை ஏந்தியவாறு இருக்கும் அழகிய குடும்பப் புகைப்படம் ஒன்றையும் இன்ஸ்டாகிராமில் பகிர்ந்துள்ளனர்.
முன்னதாக, தமன்னாவுடன் இணைந்து தனது ‘தி வான்’ (The Vvaan) திரைப்படத்திற்காக ‘பிக் பாஸ்’ நிகழ்ச்சியில் கலந்துகொண்ட நடிகர் சித்தார்த் மல்ஹோத்ரா, கியாராவின் இரண்டாவது கர்ப்பம் குறித்த சிறிய குறிப்பை வெளிப்படுத்தியிருந்தார். நிகழ்ச்சியின் தொகுப்பாளர் சல்மான் கான் தந்தைமை குறித்துக் கேட்டபோது, தன் மகள் சராயா குறித்துப் பேசி மகிழ்ந்தார்.
கடந்த 2021 ஆம் ஆண்டு வெளியான ‘ஷெர்ஷா’ (Shershaah) படத்தின் போது காதலில் விழுந்த இவர்களுக்கு, கடந்த 2023 ஆம் ஆண்டு பிப்ரவரி 7 ஆம் தேதி ராஜஸ்தானில் உள்ள ஜெய்சால்மரில் திருமணம் நடைபெற்றது. கடந்த ஆண்டு ஜூலை மாதம் அவர்களுக்குப் பெண் குழந்தை பிறந்தது. தற்போது இரண்டாவது வரவுக்காகக் காத்திருக்கும் இந்த நட்சத்திர ஜோடிக்குத் திரையுலகப் பிரபலங்களும், ரசிகர்களும் தங்களது வாழ்த்துக்களைத் தெரிவித்து வருகின்றனர்.
