அரசு பள்ளி ஆசிரியர்களுக்கான கலந்தாய்வு வருகின்ற 15-ம் முதல் நடைபெறும் என பள்ளி கல்வித்துறை அறிவித்துள்ளது.
தொடக்கக் கல்வியில் பணிபுரியும் ஆசிரியர்களுக்கு மலைப்பகுதி சுழற்சி கலந்தாய்வு 15-ம் தேதியும், அரசு நகராட்சி மேல்நிலைப்பள்ளி தலைமை ஆசிரியர் மாறுதல் 15-ம் தேதியும், நடுநிலைப்பள்ளி தலைமை ஆசிரியர் மாறுதல் கலந்தாய்வு 16-ம் தேதியும், அரசு நகராட்சி, மேல்நிலைப்பள்ளி தலைமை ஆசிரியர் கலந்தாய்வு 16-ம் தேதியும் நடத்தப்படவுள்ளது.
கடந்த ஆண்டு பணி நிரவல் செய்யப்பட்ட பட்டதாரி ஆசிரியர்கள் மீண்டும் தாங்கள் பணியாற்றிய கல்வி ஒன்றியத்திற்கு மாற்றுவதற்கான கலந்தாய்வு 17-ம்தேதியும் நடைபெற உள்ளது. அதேபோல கடந்த ஆண்டு பணிநிரவல் செய்யப்பட்ட இடைநிலை ஆசிரியர்கள், மீண்டும் தாங்கள் பணியாற்றிய கல்வி ஒன்றியத்திற்கு மாற்றுவதற்கான கலந்தாய்வு வரும் 18-ம் தேதி நடைபெற உள்ளது.
பட்டதாரி ஆசிரியர் பணிநிரவல் கலந்தாய்வு ஒன்றியத்திற்குள் 19-ம் தேதி நடைபெறுகிறது. இடைநிலை ஆசிரியர் பணிநிரவல் கலந்தாய்வு ஒன்றியத்திற்குள் வரும் 20-ம் தேதி நடைபெறவுள்ளது, பட்டதாரி ஆசிரியர் மாறுதல் கலந்தாய்வு ஒன்றியத்திற்குள் வரும் 22-ம் தேதி நடைபெற உள்ளது. தொடர்ந்து 26–ம்தேதி கலந்தாய்வு நடைபெறும் என பள்ளிக்கல்வித்துறை தெரிவித்துள்ளது.
