உத்தரப்பிரதேச மாநில பகுதியில் உள்ள கல்யாணப்பூர் சிவ்லியில் ரிஷப் என்பவர் தனது மனைவி சப்னா வசித்து வருகிறார். ரிஷப் கடந்த 27 ஆம் தேதி தனது நண்பருடன் திருமண நிகழ்வு ஒன்றிற்கு சென்று சென்றுள்ளார். அங்கே திடீரென எதிர்பாராமல் மர்மநபர்கள் சிலர் ரிஷப்பை கொடூரமாக தாக்கியுள்ளனர்.
இதனால் பலத்த காயமடைந்த ரிஷப் தனியார் மருத்துவமனை அனுமதிக்கப்பட்டு சிகிச்சை பெற்று வீடு திரும்பியுள்ளார். வீடு திரும்பிய பின்னர் அடுத்த இரண்டு நாட்களிலேயே மீண்டும் உடல்நிலையானது மோசமாகி உயிரிழந்துள்ளார்.
இது குறித்து காவல்துறையினர் வழக்கு பதிவு செய்து வந்துள்ளனர். விசாரணையில் ரிஷப் தாக்கப்பட்ட இடத்திலிருந்த செல்போன் ஒன்றின் சிக்னலை வைத்து கொலையாளியை கைது செய்து அவரிடம் விசாரணை நடத்தியதில் அதிர்ச்சி தகவல்கள் வெளியாகியுள்ளது.
விசாரணையில், ரிஷப் மனைவியே சொத்திற்காக ஆசைப்பட்டு கணவனை கூலி ஆட்களை வைத்து கொலை செய்ய திட்டமிட்டுள்ளார் என்பதும், ஆனால் கணவர் அதிலிருந்து தப்பித்ததால் வீட்டிற்கு வந்த அவருக்கு அதிக மருந்துகளை கொடுத்து கொலை செய்ததும் வெளியாகியுள்ளது. இதனையடுத்து காவல்துறையினர் மனைவி மற்றும் அதற்கு துணை நின்ற நபர்களை கைது செய்துள்ளனர்.
