வயிற்றுப் புற்றுநோய் (Stomach or Gastric Cancer) தற்போது மிகவும் பொதுவான நோயாக மாறி வருகிறது.. குறிப்பாக இளம் வயதினரிடையே இந்த நோய் பாதிப்பு அதிகரித்து வருகிறது… ஒவ்வொரு 1 இலட்சம் பேரில் சுமார் 7 பேருக்கு வயிற்றுப் புற்றுநோய் கண்டறியப்படுகிறது, மேலும் அதில் 3 பேர் மரணமடைகின்றனர். நிபுணர்கள் கூறுவதாவது, ஆண்கள் மற்றும் பெண்களில் சுமார் 0.8 சதவீதம் பேர் தங்கள் வாழ்நாளில் எப்போதாவது இந்த நோயால் பாதிக்கப்படுவார்கள்.
வயிற்றுப் புற்றுநோயிலிருந்து தற்காத்துக்கொள்ள ஒரே வழி அதை முன்கூட்டியே கண்டறிதல் தான்; இதனால் சிறப்பாக சிகிச்சை பெற முடியும் என்று மருத்துவர்கள் எச்சரிக்கின்றனர்..
ஆண்கள் மற்றும் பெண்களில் நோயின் வேறுபாடு
வயிற்றுப் புற்றுநோய் ஆண்களையும் பெண்களையும் வேறுபட்ட வகையில் பாதிக்கிறது. இதனால் நோயை அடையாளம் காண்பது சற்று கடினமாக இருக்கலாம். எனினும், நோயின் ஆரம்பத்தில் தோன்றும் சில முக்கிய அறிகுறிகளை தவறாமல் கவனிக்க வேண்டும்.
வயிற்றுப் புற்றுநோயின் ஆரம்ப அறிகுறிகள்
சிறிதளவு உணவு எடுத்தாலும் வயிறு நிரம்பிய உணர்வு
சிறிதளவு உணவு எடுத்தவுடன் வயிறு நிறைந்துவிட்டது போல் தோன்றினால், குறிப்பாக அது தொடர்ந்து நிகழ்ந்தால், இது வயிற்றுப் புற்றுநோயின் ஆரம்ப அறிகுறியாக இருக்கலாம். வயிற்றில் வளர்ந்துக் கொண்டிருக்கும் கட்டி (tumour) வயிறு விரிவடையும் திறனை குறைக்கும்; இதனால் உணவு விருப்பம் குறைந்து எடை தானாகக் குறையும் என்று மருத்துவர்கள் கூறுகின்றனர்..
அடிக்கடி வாயு, வீக்கம்
பலர் இதை சாதாரணமாக “அஜீரணம்” அல்லது “வாயு பிரச்சனை” எனக் கருதுவார்கள். ஆனால் இது தொடர்ந்து நீடித்தால் கவனிக்கப்பட வேண்டும். வீக்கம், வாயு வெளியேறுதல், எடை குறைவு, வயிற்றில் நிரம்பிய உணர்வு போன்றவை இணைந்து இருந்தால் உடனே மருத்துவரை அணுக வேண்டும்.
லேசான மயக்கம் அல்லது வாந்தி உணர்வு
மயக்கம் அல்லது வாந்தி உணர்வு வந்தால், அது பெரும்பாலும் தற்காலிகமாக இருக்கும். ஆனால் இது தொடர்ந்து, தெளிவான காரணமின்றி (உதாரணம்: கர்ப்பம், தொற்று போன்றவை) நிகழ்ந்தால், அது புற்றுநோயின் ஆரம்ப அடையாளமாக இருக்கலாம். இத்துடன் உணவு விருப்பம் குறைதல், மார்பு எரிச்சல், அஜீரணம் போன்றவை இருந்தால் உடனடி பரிசோதனை அவசியம்.
இரும்புச் சத்து குறைவு (Iron Deficiency / Anemia)
திடீரென இரும்புச் சத்து குறைவாக இருந்தால், அதுவும் புற்றுநோயின் மறைமுக அறிகுறி ஆக இருக்கலாம். கட்டியில் இருந்து மெதுவாக இரத்தம் கசியுவதால் இது ஏற்படும். இதனால் சோர்வு, பலவீனம், வெளிறிய தோல், மூச்சுத் திணறல் போன்றவை தோன்றும். உணவுக்கு திடீரென ஏற்படும் அலர்ஜி அல்லது சகிப்புத்தன்மை குறைதல்
சில உணவுகள் திடீரென உடலுக்கு பொருந்தாமல் போகலாம். இது வயிற்றின் உள் ஓரம் (stomach lining) அழற்சி அடைவது மற்றும் கட்டியால் உணவு செல்லும் வழி தடையடைவது காரணமாகும். இதனால் சாப்பிடும் உணவு சரியாக செரிக்காது, முன்பு சகித்த உணவுகளுக்கே திடீரென சகிக்காமை தோன்றலாம்.
மருத்துவர்கள் கூறுவது:
வயிற்றுப் புற்றுநோய் ஆரம்பத்தில் கண்டறியப்பட்டால், அது முழுமையாக குணமாகும் வாய்ப்பு அதிகம். எனவே மேற்கண்ட அறிகுறிகள் தொடர்ந்து இருந்தால் மருத்துவரை உடனடியாக அணுகுவது மிக முக்கியம்.
Read More : இந்த ஒரு காய்கறியை சாப்பிட்டால், உங்களுக்கு ரத்த அழுத்தம், சர்க்கரை, இதய நோய் எதுவும் வராது!
