நீரிழிவு நோயாளிகள் பலர் அனுபவிக்கும் ஒரு பொதுவான பிரச்சனை, மருந்து எடுத்துக்கொண்டிருந்தும் சில நேரங்களில் சர்க்கரை குறைவது போல உணர்வது.. குறிப்பாக தினமும் நடைப்பயிற்சி செய்வோருக்கு இது அதிகமாக தெரியும். ஒரு நோயாளி தினமும் 10,000 அடிகள் நடந்து, இரவு உணவுக்குப் பிறகு Metformin 500 mg எடுத்துக்கொண்டாலும், மதிய உணவிற்கு முன்பும் மாலையிலும் தலைசுற்றல், பலவீனம் போன்ற உணர்வு வருகிறது என கூறியுள்ளார்.
மருத்துவ நிபுணர்கள் கூறுவதாவது, மெட்ஃபார்மின் மருந்து பொதுவாக தானாகவே சர்க்கரை அளவை ஆபத்தான அளவுக்கு குறைக்காது. இது உடலில் இன்சுலின் செயல்பாட்டை மேம்படுத்தி, கல்லீரலில் சர்க்கரை உற்பத்தியை குறைக்கும். அதனால், நேரடியாக “low sugar” ஏற்படுத்தும் மருந்தாக இது கருதப்படுவதில்லை.
ஆனால், இந்த தலைசுற்றல் உணர்வுக்கான முக்கிய காரணம் வாழ்க்கை முறை தான். நீண்ட நேரம் உணவு எடுக்காமல் இருப்பது, அதிக உடற்பயிற்சி (10,000 அடிகள் நடை), உணவில் புரதம் மற்றும் நார்ச்சத்து குறைவு ஆகியவை சேர்ந்து, இரத்தச் சர்க்கரை அளவு திடீரென குறைய வழிவகுக்கும். இது பல நேரங்களில் உண்மையான Hypoglycemia அல்ல; மாறாக, சர்க்கரை அளவு வேகமாக குறையும்போது உடல் காட்டும் எதிர்வினை மட்டுமே.
இந்த நிலையில் தலைசுற்றல், வியர்வை, பலவீனம் போன்ற அறிகுறிகள் தோன்றும். நடைப்பயிற்சி நல்லது என்றாலும், உடலுக்கு தேவையான அளவு உணவு கிடைக்காவிட்டால், அந்த பயிற்சியே சர்க்கரை அளவை குறைக்கக்கூடும். இதற்கு தீர்வாக, நீண்ட இடைவெளி விடாமல் சிறுசிறு உணவுகளை அடிக்கடி எடுத்துக்கொள்ள வேண்டும். ஒவ்வொரு உணவிலும் புரதம், நல்ல கொழுப்பு மற்றும் சிக்கலான கார்போஹைட்ரேட்களை சேர்த்துக்கொள்வது அவசியம். மேலும், நட்டுகள், பழங்கள், முளைகட்டிய தானியங்கள் போன்ற சிற்றுண்டிகளை சேர்ப்பது உதவும்.
Read more: கேஸ் பயனர்களுக்கு எச்சரிக்கை..! உங்கள் வீட்டில் சிலிண்டர் இருந்தால், இதை உடனே தெரிந்துகொள்ளுங்கள்..!
