திருமணமான பெண்ணுக்கும் 20 வயது இளைஞருக்கும் இடையே கள்ளக்காதல் இருந்ததாக கூறப்படும் நிலையில், இருவரும் சந்தித்துக்கொண்ட இடத்துக்கு அந்தப் பெண்ணின் கணவரும் நேரில் வந்த சம்பவம் உத்தரப் பிரதேசத்தில் பரபரப்பை ஏற்படுத்தியுள்ளது. இரண்டு குழந்தைகளின் தாயான அந்தப் பெண், கணவர் கெஞ்சியும் அவருடன் வீட்டுக்குத் திரும்ப மறுத்து, கள்ளக்காதலனான அந்த இளைஞருடன்தான் வாழப்போவதாக பிடிவாதமாக கூறியதாக தகவல் வெளியாகியுள்ளது. இதையடுத்து பெண்ணையும் இளைஞரையும் போலீசார் காவல் நிலையத்திற்கு அழைத்துச் சென்று விசாரணை நடத்தி வருகின்றனர்.
வாரணாசி ரயில் நிலையத்தில் அந்தப் பெண்ணும் 20 வயது இளைஞரும் சந்தித்துக்கொண்டிருந்தனர். அப்போது எதிர்பாராதவிதமாக அங்கு வந்த அவரது கணவர், இருவரையும் நேரில் பார்த்துள்ளார். இதனால் ரயில் நிலையத்தில் பரபரப்பான சூழல் ஏற்பட்டது.
மனைவியிடம் பேசிய கணவர், குடும்பத்தையும் இரண்டு குழந்தைகளையும் நினைத்துப் பார்க்குமாறு கேட்டுக்கொண்டுள்ளார். குடும்ப வாழ்க்கையை காப்பாற்றுவதற்காக தன்னுடன் வீட்டுக்கு வரும்படியும் அவர் கெஞ்சியதாக தகவல் வெளியாகியுள்ளது.
ஆனால், கணவரின் வேண்டுகோளை அந்தப் பெண் ஏற்க மறுத்ததாக கூறப்படுகிறது. கண்ணீர் விட்டபடியே அந்த இளைஞருடன் தான் வாழ விரும்புவதாகவும், அவரை விட்டு செல்லப்போவதில்லை என்றும் தெரிவித்ததாக தகவல் வெளியாகியுள்ளது.
அந்த இளைஞரும் பெண்ணுடன் செல்ல விரும்பியதாகவும், அவரை திருமணம் செய்து கொள்ள தயாராக இருப்பதாக தெரிவித்ததாகவும் தகவல் வெளியாகியுள்ளது. இதனால் இரு தரப்பினருக்கும் இடையே ரயில் நிலையத்தில் வாக்குவாதம் ஏற்பட்டுள்ளது.
இதுகுறித்து தகவல் அறிந்த போலீசார் சம்பவ இடத்துக்கு வந்து பெண்ணையும் இளைஞரையும் காவல் நிலையத்திற்கு அழைத்துச் சென்றனர். அங்கு இருவரிடமும், பெண்ணின் கணவரிடமும் போலீசார் விசாரணை நடத்தி வருகின்றனர்.
இரண்டு குழந்தைகள் இருக்கும் நிலையில், கணவரை விட்டு 20 வயது இளைஞருடன் செல்ல அந்தப் பெண் முடிவு செய்ததாக வெளியான தகவல் சமூக வலைதளங்களில் கவனம் பெற்றுள்ளது. இந்த சம்பவத்தின் முழுமையான பின்னணி குறித்து போலீசார் தொடர்ந்து விசாரணை நடத்தி வருகின்றனர்.
Also Read: வட்டி பணம் கேட்க வந்த பெண்.. காட்டுக்குள் நடந்த அதிர்ச்சி சம்பவம்; லைவ் லொகேஷனால் 5 மணி நேரத்தில் மீட்பு
