13 வயது சிறுமியை தின்பண்டங்கள் வாங்கித் தருவதாக ஆசை காட்டி அழைத்துச் சென்ற லாரி ஓட்டுநர், அவரிடம் பாலியல் அத்துமீறலில் ஈடுபட முயன்ற சம்பவம் அதிர்ச்சியை ஏற்படுத்தியுள்ளது. அந்த நேரத்தில் அருகில் இருந்த கடைக்காரர் ஒருவர் சம்பவத்தை கவனித்து உடனடியாக தலையிட்டதால் சிறுமி மீட்கப்பட்டார்.
சிறுமியிடம் நைசாக பேசி அவரை அழைத்துச் சென்ற அந்த நபர், பின்னர் தவறான முறையில் நடந்து கொள்ள முயன்றுள்ளார். இதை கவனித்த கடைக்காரர் உடனடியாக தலையிட்டு சிறுமியை அங்கிருந்து மீட்டுள்ளார்.
இதையடுத்து சம்பவம் குறித்து போலீசாருக்கு தகவல் அளிக்கப்பட்டது. விரைந்து வந்த போலீசார் லாரி ஓட்டுநரை கைது செய்து விசாரணையை தொடங்கினர்.
விசாரணையில், கைது செய்யப்பட்ட நபருக்கு நான்கு குழந்தைகள் இருப்பது தெரியவந்துள்ளது. சிறுமியிடம் அவர் எதற்காக இவ்வாறு நடந்து கொண்டார், சம்பவத்தின் பின்னணியில் வேறு காரணங்கள் உள்ளனவா என்பது உள்ளிட்ட பல்வேறு கோணங்களில் போலீசார் விசாரணை நடத்தி வருகின்றனர்.
சிறுமியின் பாதுகாப்பை உறுதி செய்யும் வகையில் போலீசார் தொடர்ந்து நடவடிக்கை மேற்கொண்டு வருகின்றனர். குழந்தைகளை அறிமுகம் இல்லாத நபர்களுடன் தனியாக செல்ல விடாமல் கண்காணிப்பது, ஆசை வார்த்தைகள் மூலம் யாராவது அழைத்தால் உடனடியாக பெற்றோர் அல்லது நம்பகமான பெரியவர்களிடம் தெரிவிப்பது போன்ற விழிப்புணர்வும் முக்கியத்துவம் பெறுகிறது.
Also Read: மாணவர்களுக்கு குட் நியூஸ்.. சைக்கிளுடன் ஹெல்மெட், தண்ணீர் பாட்டில்!
