பாகிஸ்தான் ஆக்கிரமிப்பு காஷ்மீரில் (POK) பாகிஸ்தான் அரசுக்கு எதிராக போராட்டம் போராட்டக்காரர்களுக்கும் பாதுகாப்புப் படையினருக்கும் இடையே மோதல் ஏற்பட்டது.. இந்த மோதல்களில் 30-க்கும் மேற்பட்டோர் உயிரிழந்தனர்.. சுமார் 200 பேர் காயமடைந்தனர்.
அப்பகுதியின் பொருளாதார மற்றும் அரசியல் குறைகள் தொடர்பான போராட்டங்களுக்குத் தலைமை தாங்கி வந்த முக்கிய சிவில் சமூகக் கூட்டமைப்பான ‘ஜாயிண்ட் அவாமி ஆக்ஷன் கமிட்டி’யை (JAAC) அதிகாரிகள் கடந்த வாரம் தடை செய்தனர். இதையடுத்து அங்கு போராட்டங்கள் வெடித்தன.. வெள்ளிக்கிழமை இரவு பாதுகாப்புப் படையினருடனான மோதலின்போது ஒரு வர்த்தகர் சுட்டுக்கொல்லப்பட்டார்.. இந்த விவகாரத்தில் பதற்றம் அதிகரித்ததைத் தொடர்ந்து, ஞாயிற்றுக்கிழமை ரவாலகோட் நகரில் மோதல்கள் வெடித்தன.
காவல்துறையினரின் துப்பாக்கிச் சூட்டில் உயிரிழந்த அந்த வர்த்தகரின் உடல் வைக்கப்பட்டிருந்த மருத்துவமனை பிணவறைக்கு வெளியே JAAC ஆதரவாளர்கள் திரண்டிருந்ததாக, ரவாலகோட்டின் உயர்மட்ட சிவில் அதிகாரியான கமிஷனர் சர்தார் வஹீத் கான் தெரிவித்தார். பாதுகாப்புப் படையினர் போராட்டக்காரர்களைக் கலைக்க முயன்றபோது, அக்குழுவின் செயற்பாட்டாளர்கள் தானியங்கி துப்பாக்கிகள், பெட்ரோல் குண்டுகள் மற்றும் பிற ஆயுதங்களைப் பயன்படுத்தி அவர்கள் மீது தாக்குதல் நடத்தினர் என்று அவர் கூறினார்.
காவல்துறையினர் நடவடிக்கையால் ஆறு போராட்டக்காரர்கள் கொல்லப்பட்டனர் என்றும் கான் தெரிவித்தார். மேலும், இந்த நடவடிக்கையின் போது பலர் கைது செய்யப்பட்டதையும் அவர் உறுதிப்படுத்தினார்.
இருப்பினும், உள்ளூர் மக்களும் JAAC அமைப்பின் ஆதரவாளர்களும் அதிகாரப்பூர்வத் தகவலை மறுப்பதுடன், உயிரிழந்த பொதுமக்களின் எண்ணிக்கை இதைவிட மிக அதிகம் என்றும் கூறி வருகின்றனர்.
JAAC அமைப்பு திட்டமிட்டிருந்த போராட்டங்களுக்கு ஒரு நாள் முன்னதாகவே இந்த மோதல்கள் வெடித்தன. அப்பிராந்தியத்தின் சட்டப்பேரவைக்கு நடைபெறவுள்ள தேர்தலில் (மொத்தம் 45 இடங்கள்) அகதிகளுக்காக 12 இடங்கள் ஒதுக்கப்பட்டதை எதிர்த்து இப்போராட்டத்திற்கு அழைப்பு விடுக்கப்பட்டிருந்தது.
மேலும், முந்தைய வன்முறைச் சம்பவங்கள், இணையச் சேவை முடக்கம், தங்கள் அமைப்புக்கு விதிக்கப்பட்ட தடை, அத்துடன் மின்சாரத் தட்டுப்பாடு, விலைவாசி உயர்வு, வேலையின்மை, வளங்கள் சுரண்டப்படுவதாகக் கூறப்படும் விவகாரங்கள் மற்றும் அரசியல் ரீதியாக ஓரங்கட்டப்படுதல் போன்ற பிரச்சினைகளுக்காகவும் இக்குழு போராடி வந்தது.
தாங்கள் நியாயமான பொருளாதார மற்றும் அரசியல் உரிமைகளுக்காகவே போராடுவதாகக் கூறும் JAAC உறுப்பினர்கள், தங்கள் அமைப்பை ‘பயங்கரவாத’ அமைப்பாகப் பட்டியலிட்டதை ஒரு ‘அடக்குமுறை’ நடவடிக்கை என்று கூறுகின்றனர்… சமீபத்திய ஆண்டுகளில், இவ்வமைப்பு வன்முறைப் போராட்டங்களையும் நடத்தியுள்ளது.
பயங்கரவாத எதிர்ப்புச் சட்டத்தின் கீழ் ‘கூட்டு அவாமி செயல் குழு’வை (JAAC) தடை செய்ய அப்பிராந்திய அரசு எடுத்த முடி குறித்து பாகிஸ்தான் மனித உரிமைகள் ஆணையம் (HRCP) தீவிர கவலையை வெளிப்படுத்தியுள்ளது.
மேஎலும் அதிகப்படியான பலப்பிரயோகம், பொதுமக்கள் மற்றும் சட்ட அமலாக்கப் பிரிவினர் உயிரிழந்தது மற்றும் தகவல் தொடர்பு சேவைகள் முடக்கப்பட்டது ஆகியவற்றை HRCP கடுமையாகக் கண்டித்தது.
மேலும் “பேச்சுவார்த்தை அவசியமானது என்றாலும், அப்பிராந்திய மக்கள் தொடர்ந்து அரசியல் உரிமைகள் மறுக்கப்படும் சூழலில் அது அர்த்தமுள்ளதாக இருக்காது. அமைதியான முறையில் போராடுவதற்கான உரிமை நிலைநாட்டப்பட வேண்டும்; மக்களின் குறைகள் வெளிப்படையான முறையில் தீர்க்கப்பட வேண்டும்..
நிலைமை மேலும் மோசமடைவதைத் தவிர்க்கவும், மக்களின் அடிப்படை உரிமைகளை மதிக்கவும், உண்மையான மற்றும் அனைவரையும் உள்ளடக்கிய பேச்சுவார்த்தைகளை மேற்கொள்ளவும்” மத்திய அரசு மற்றும் அப்பிராந்திய அரசை ஆணையம் வலியுறுத்தியது. நிலைமையை ஆய்வு செய்ய விரைவில் ஒரு உண்மை அறியும் குழுவை அனுப்ப உள்ளதாகவும் HRCP அறிவித்துள்ளது.
Read More : தெருக்களில் உலா வரும் கரடி..! 100 பள்ளிகளை மூடிய அரசு…! உண்மையில் என்ன நடக்கிறது.?
