நடைபயிற்சி என்பது ஒரு மனிதனுக்கு மிகவும் அவசியமாகும். ஆனால், அன்றாடம் உடலை வருத்தி பணிகளை செய்யும் நபர்களுக்கு இந்த நடைபயிற்சி தேவைப்படாது. அதேநேரம், ஒரே இடத்தில் இருந்து, பணிகளை மேற்கொள்பவர்கள், உடல் எடை அதிகமாக இருப்பவர்கள் உள்ளிட்டோருக்கு இந்த நடைபயிற்சி மிகவும் அவசியமாகும்.
இந்த நடைபயிற்சி மேற்கொள்வதன் மூலமாக, உடலில் உள்ள பல்வேறு கலோரிகள் குறைகிறது. ஆகவே, உடல் எடை வெகுவாக குறைவதற்கான வாய்ப்பு உள்ளது. மேலும், நடைபயிற்சியின் போது, மெதுவாக நடந்து செல்வதை விட, கொஞ்சம், கொஞ்சமாக வேகத்தை அதிகரிப்பது நல்லது என்று சொல்லப்படுகிறது. அதோடு, மிகவும், நிதானமாக, நடப்பதை விடவும், சற்று வேகமாக நடந்தால், அதிகளவிலான கலோரிகள் உடலில் இருந்து நீக்கப்படும் என்று சொல்லப்படுகிறது.
பலர் நடை பயிற்சியின்போது, ஒரே சமதளமான பாதையில், நடந்து செல்வார்கள். அப்படி நடப்பதை விடவும், சற்று உயரமான ஏற்ற, இறக்கத்துடனான பகுதிகளில், நடைப்பயிற்சி மேற்கொள்வது கூடுதலான கலோரிகளை உடலில் இருந்து நீக்கும் என்று சொல்லப்படுகிறது.
அதேபோல, நாள்தோறும், 10,000 அடி நடை பயிற்சி மேற்கொள்வது உடல் எடை குறைப்புக்கு உதவியாக இருக்கிறது என்றும் சொல்லப்படுகிறது. நடை பயிற்சியை சாதாரணமாக, உடற்பயிற்சியாக நினைக்காமல், நன்றாக ஈடுபாட்டுடன் செய்ய வேண்டும் என்பதும், நடையின் வேகத்தை அதிகரிக்கலாம், அதேநேரம், வேகமாக ஓட கூடாது என்பதும் குறிப்பிடத்தக்க விஷயமாகும்.
