மாற்றுத்திறனாளிகள் நலத்துறை மூலம் அரசு மற்றும் அரசு அங்கீகாரம் பெற்ற கல்வி நிறுவனங்களில் கல்வி பயிலும் மாற்றுத்திறனாளி மாணவ, மாணவியர்களுக்கு ஆண்டிற்கு ஒருமுறை 1 முதல் 5- வகுப்பு வரை பயின்று வருபவர்களுக்கு ரூ.1,000 , 6 முதல் 8 வரை பயின்று வருபவர்களுக்கு ரூ. 3,000, 9 முதல் 12 வரை மற்றும் IIT, Diploma பயின்று வருபவர்களுக்கு ரூ.4000, இளங்கலை பயின்று வருபவர்களுக்கு ரூ.6,000.., முதுகலை, பி.இ, MBBS பயின்று வருபவர்களுக்கு ரூ.7000 என்ற வகையில் கல்வி உதவித்தொகை வழங்கப்படுகிறது.
அரசு மற்றும் அரசு அங்கீகாரம் பெற்ற கல்வி நிறுவனங்களில் கல்வி பயிலும் மாற்றுத்திறனாளி மாணவ, மாணவியர்கள் விண்ணப்பித்து பயனடையலாம். மேலும் 9-ம் வகுப்பு முதல் கல்வி பயில்பவர்களுக்கு குடும்ப ஆண்டு வருமானம் ரூபாய் 2.50 இலட்சத்திற்கும் குறைவாக உள்ள மாற்றுத்திறனாளி மாணவ, மாணவியர்கள் மத்திய அரசின் கல்வி உதவித்தொகை பெற https://scholarships.gov.in/ என்ற இணையதள முகவரியில் விண்ணப்பிக்கலாம்.