நாம் அன்றாட சமையலில் பயன்படுத்தும் பல பொருட்களை பயனற்றவை என்று நினைத்து தூக்கி எறிந்து விடுகிறோம். ஆனால் அவற்றில் சில உடல்நலம் மற்றும் வீட்டுப் பயன்பாட்டிற்கு மிகவும் பயனுள்ளதாக இருக்கும். அப்படிப்பட்ட ஒன்றுதான் முட்டை வேகவைத்த பிறகு மீதமிருக்கும் தண்ணீர். பொதுவாக அனைவரும் அந்தத் தண்ணீரை கழிவுநீரில் கொட்டிவிடுவார்கள். ஆனால் அந்தத் தண்ணீரில் கால்சியம், பொட்டாசியம் போன்ற பல முக்கிய தாதுக்கள் இருப்பதாக நிபுணர்கள் கூறுகின்றனர்.
முட்டை ஓடுகளில் அதிகளவு கால்சியம் சத்து காணப்படுகிறது. முட்டையை நீரில் வேகவைக்கும் போது அந்த கால்சியத்தின் ஒரு பகுதி தண்ணீரில் கலக்கிறது. இதனால் அந்தத் தண்ணீர் ஊட்டச்சத்து நிறைந்ததாக மாறுகிறது. இந்தத் தண்ணீரை ஆறவைத்து செடிகளுக்கு ஊற்றினால், தாவரங்களின் வேர்கள் மற்றும் செல்களுக்கு தேவையான சத்துகள் கிடைத்து, செடிகள் ஆரோக்கியமாக வளர உதவுகிறது. குறிப்பாக பூக்கும் செடிகளுக்கும் காய்கறி செடிகளுக்கும் இது இயற்கை உரமாக செயல்படுகிறது.
அதேபோல், இந்தத் தண்ணீரை சிலர் சூப்புகளில் பயன்படுத்துவதாகவும் கூறப்படுகிறது. உடலில் கால்சியம் குறைபாடு உள்ளவர்களுக்கு இது ஓரளவு உதவக்கூடும் என நம்பப்படுகிறது. ஆனால் இதைப் பயன்படுத்துவதற்கு முன் முட்டைகளை நன்றாக சுத்தம் செய்திருக்க வேண்டும் என்றும், இயற்கையான முட்டைகளை பயன்படுத்துவது சிறந்தது என்றும் அறிவுறுத்தப்படுகிறது.
முட்டை வேகவைத்த தண்ணீர் தலைமுடி மற்றும் சருமத்திற்கும் நல்ல பலன் தரும் என கூறப்படுகிறது. இதில் உள்ள தாதுக்கள் மயிர் வேர்களை வலுப்படுத்தி, பொடுகை குறைத்து, முடியை ஆரோக்கியமாக வைத்திருக்க உதவுகின்றன. அந்தத் தண்ணீரை ஆறவைத்து தலைமுடியை கழுவ பயன்படுத்தலாம். சிலர் இதை முகத்திற்கு டோனராகவும் பயன்படுத்துகின்றனர்.
இது மனிதர்களுக்கு மட்டுமல்லாமல் செல்லப் பிராணிகளுக்கும் பயனுள்ளதாக கருதப்படுகிறது. நாய் அல்லது பூனை போன்ற செல்லப் பிராணிகளின் உணவில் சிறிதளவு சேர்த்தால், அவற்றின் எலும்புகள் மற்றும் பற்கள் வலுப்பெற உதவலாம் என கூறப்படுகிறது.
ஆனால் இந்தத் தண்ணீரைப் பயன்படுத்தும் முன் சில முன்னெச்சரிக்கைகள் அவசியம். முட்டைகளை வேகவைக்கும் முன் அவற்றை நன்றாக கழுவ வேண்டும். வேகும் போது முட்டை உடைந்திருந்தால் அந்தத் தண்ணீரைப் பயன்படுத்தக் கூடாது. மேலும் செடிகளுக்கு பயன்படுத்துவது தவிர மற்ற தேவைகளுக்காக பயன்படுத்தினால், குளிர்சாதனப் பெட்டியில் வைத்து 24 மணி நேரத்திற்குள் பயன்படுத்த வேண்டும் என அறிவுறுத்தப்படுகிறது.
Read more: தமிழக முதலமைச்சர் விஜய், 2-வது பணக்கார MLA..! அப்ப முதலிடத்தில் இருப்பது யார் தெரியுமா..?
